Kwamamaza

Gasabo:Umusekirite yarashe umuturage aramwica

Yanditswe kuya 16-09-2016 saa 11:05' na Ntakirutimana Deus


Umukozi wo muri sosiyete ikora ibikorwa byo kurinda umutekano (Intersec Security Company -ISCO) yaraye arashe umuturage wari utuye mu kagari ka Musave mu Murenge wa Bumbogo, ahita apfa.

Abaturage babwiye IGIHE ko yamurashe ahagana saa mbili z’ijoro ku wa Kane tariki ya 15 Nzeri 2016.

Uwo mukozi tutaramenya amazina ye yarashe uwo bitaga Kibonke uri mu kigero cy’imyaka 30 bari baturanye mu kagari kamwe, nyuma yo kumutumaho umuntu ko amushaka, asohotse ahita amurasa agwa aho.

Ababikurikiranye bavuga ko uwo mugabo yarashe mu kirere agahita ajya gushaka n’Umukuru w’Umudugudu wa Kayumba ngo aramubura. Yahise yijyana kuri sitasiyo ya Polisi ikorera ku biro by’Umurenge wa Ndera yirega ko yishe umuntu.

Uwo mukozi yarashe Kibonke atorotse akazi yakoraga ko gucunga umutekano mu gice cyahariwe inganda(Kigali Special Economic Zone).

Umuvugizi wa Polisi mu Mujyi wa Kigali, Supt Hitayezu Emmanuel yatangaje ko bamenye aya makuru, atwemerera kuduha arambuye mu kanya.

Umurenge wa Bumbogo uturanye n’uwa Ndera, aho abantu bigeze kwitwaza intwaro gakondo bagakomeretsa abaturage.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved