Gasabo: Abanyamuryango ba FPR bakoze umuganda ahubakwa irerero

Yanditswe na Thamimu Hakizimana
Kuya 2 Ukuboza 2017 saa 01:37
Yasuwe :
0 0

Abanyamuryango ba FPR Inkotanyi bo mu Karere ka Gasabo bakoze umuganda wo kubaka irerero ku Rwunge rw’amashuri abanza rwa Gasagara ruri mu Murenge wa Rusororo.

Gahunda ya Leta yo gushyiraho amarerero mu gihugu hose yitezweho gufasha gukurikirana abana bakri bato bakazatangira amashuri abanza bafite ubumenyi bw’ibanze bwatuma bajijuka vuba.

Kuri uyu wa Gatanu tariki ya 1 Ukuboza 2017, ni bwo abanyamuryango ba FPR Inkotanyi bahuriye mu muganda wo kubaka iryo rerero, rizuzura ritwaye miliyoni 40 z’amafaranga y’u Rwanda.

Kuryubaka rifatwa nk’inzu mbonezamikurire biri gukorwa n’imisanzu y’abanyamuryango ba FPR muri Gasabo.

Umuyobozi w’Akarere ka Gasabo, Rwamulangwa Stephen, yavuze ko niryuzura rizafasha umwana gukura neza.

Yagize ati “Irerero rivuze ibikorwa bikomatanyijwe bifasha gukurikira umwana akiri mu nda, mu mikurire no mu mirerere ye rifasha ababyeyi kugira ngo abana bitabweho neza nabo bazigirire akamaro.”

Yongeyeho ko iyi nzu mbonezamikurire ifite ubushobozi bwo kwakira abana hagati y’ijana na 200.

Icyo cyumba cyubatswe mu bikorwa byo kwizihiza isabukuru y’imyaka 30 Umuryango wa FPR Ikotanyi umaze ushinzwe.

Umubyeyi witwa Kwizera Kivuye Anitha yavuze ko banejejwe cyane n’uko bagiye kubakirwa irerero rizafasha abana babo kwiga hafi.

Yagize ati “ Ibyo iri rerero rije kudufasha ni byinshi ariko icya mbere ni uko rizatuma abana batagenda ingendo ndende kuburyo bizatuma batagira ubunebwe bwo kujya kwiga kuko ishuri riba ribegereye.”

Ababyeyi basabye ko nyuma yo kubakirwa iryo rerero hazanihutishwa guhugura abarimu bazita ku bana.


Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza