Kwamamaza

Gakenke: Baracyakora urugendo rw’ibirometero 20 bajya gushariza telefone

Yanditswe kuya 15-11-2016 saa 18:48' na Emma-Marie Umurerwa


Abaturage batuye mu Murenge wa Muzo mu Karere ka Gakenke bavuga ko kutagira amashanyarazi bituma bakora urugendo rw’ibirometero bisaga 20 bajya gushariza telefoni mu wa Janja.

- Bakora urugendo rw’ibirometero 20 bajya gushariza telefoni

- Bava mu Kagari kamwe bakajya mu kandi bagiye kwitaba telefoni cyangwa guhamagara

- Ku kigo nderabuzima bakoresha buji n’itara rya petelori

- Bajya kwishyura umusoro w’amafaranga 1000 bagatega moto ya 2500 bagerayo bakabura ‘réseau’

Kutagira umuriro mu Murenge wa Muzo, ni kimwe mu bihangayikishije abawutuye bavuga ko bibona nk’abasigaye inyuma mu majyambere ndetse bigatuma bahera mu bwigunge.

Nzayisenga Phocas, utuye mu Kagari ka Rwa, avuga ko umuriro uri ku Biro by’Umurenge gusa.

Yagize ati “Umuriro waraje ugarukira ku Biro by’Umurenge. Kugira ngo ubone aho ushariza telefoni ukora urugendo rw’ibirometero 20.”

Mwungeri Isidore nawe avuga ko kutagira amashanyarazi bituma bakomeza gusigara inyuma mu iterambere.

Ati “Turi mu icuraburindi n’Ikigo Nderabuzima dufite mu Murenge wa Muzo nta mashanyarazi gifite bakoresha itara risanzwe na buji, ibigo by’amashuri nabyo nta muriro bigira.”

Nk’uko bakomeza babivuga ngo umuriro bashyize muri telefoni iyo ushizemo kiba ari ikibazo cy’ingorabahizi.

Uwanyirigira Léoncie ati “Umuntu ashobora kumara iminsi itatu atarashariza telefoni, cyangwa tugakora urugendo rugera ku masaha abiri tujya gushaka umuriro. Ni ukuvuga ngo tuva muri uyu Murenge wa Muzo tukajya gushariza telefoni mu Murenge wa Janja.”

Biyogoshesha urwembe

Iyo ababyeyi bashatse kogosha abana bakoresha urwembe cyangwa umukasi, ibi ngo bakaba babona ko bishobora kubagiraho ingaruka zitandukanye zirimo no kwanduzanya indwara. Abana basubiramo amasomo bageze mu rugo bifashisha agatadowa, cyangwa se bakayasubiramo butarahumana.

‘Kwitaba telefoni bidusaba kujya mu kandi kagari’

Umwe mu baturage avuga ko mu Murenge wa Muzo hari n’utugari twinshi tutagira ‘réseau’ ya telefoni, ibi bigatuma hari abakora urugendo rw’ibirometero bajya kwitaba cyangwa guhamagara.

Nyirakurama Marthe yagize ati “Iyo nshaka kuvugana n’umwana wanjye uba i Musanze, mva iwacu mu Kagari ka Kiryamo nkajya mu Kagari ka ‘Rwa’ niho hatajya habura réseau’. Ikindi kandi twumva Radiyo Rwanda na RC Musanze gusa.”

‘Batega moto ya 2500 by’amanyarwanda bagiye gusora 1000’

Ikibazo cyo kutagira ‘réseau’ bavuga ko kibagiraho ingaruka mu buryo butandukanye, dore ko abo mu tugari dutanu tugize Umurenge wa Muzo batanga umusoro ku nyungu bibasaba kujya ku Biro byawo aho umukozi w’Ikigo gishinzwe kwakira imisoro n’amahoro abarizwa.

Segatashya Vianney yagize ati “Ni ukuvuga ngo nshobora guhaguruka iwacu ngiye kwishyura umusoro w’amafaranga igihumbi cyangwa ibihumbi bibiri, ngatega moto y’amafaranga ibihumbi 2500, nagera ku Biro by’Umurenge ngasanga ‘réseau’ yabuze bikansaba gutaha nkazasubirayo.”

Umunyamabanga Nshingwabikorwa w’Umurenge wa Muzo, Evergiste Gasasa, yemeranya n’ibyo abaturage bavuga ariko ngo ubuyobozi ngo bugiye gushaka ibisubizo kuri ibi bibazo.

Yagize ati “Nibyo koko muri uyu murenge hari utugari nk’utwa Mwiyando na Kiryamotubiri turimo ikibazo cya ‘réseau’, twumva Radio Rwanda, RC Musanze na Radio Mariya. Gusa dufite icyizere ko mu minsi ya vuba kizaba cyakemutse RBA yaje gupima ku musozi wa Kabuye, aho bagiye gushyira umunara, bizadufasha kujya tureba televiziyo no kumva radio zitandukanye.”

Gasasa avuga ko ikibazo kijyanye n’umuriro ari rusange muri uyu murenge, kuko abawufite bangana na 0,8%.

Abaturage bo mu Murenge wa Muzo mu Karere ka Gakenke bavuga ko bahangayikishijwe no kutagira amashanyarazi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved