Kwamamaza

Gakenke: Abanyamabanga Nshingwabikorwa bane baba basezeye ku mirimo yabo

Yanditswe kuya 25-10-2016 saa 07:04' na Bazatsinda Jean Claude


Abanyamabanga Nshingwabikorwa b’Imirenge ya Nemba, Minazi, Cyabingo na Kivuruga yo mu Karere ka Gakenke biravugwa ko basezeye ku mirimo yabo ku mpamvu zabo bwite.

Aba banyamabanga Nshingwabikorwa ni Byiringiro Siméon wayoboraga Umurenge wa Cyabingo; Mungarurire Fidèle wayoboraga Kivuruga; Uwimana Phocas wa Minazi na Twagirayezu Bernard wayoboraga Umurenge wa Nemba.

Umwe mu bakozi b’Akarere ka Gakenke wari witabiriye inama yahuzaga komite nyobozi, inzego zishinzwe umutekano muri aka karere n’Abanyamabanga Nshingwabikorwa b’imirenge yose y’aka karere ari naho aba beguye batangiye ubwegure bwabo, yaduhamirije aya makuru ndetse avuga ko amabaruwa yabo yamaze kugezwa ku karere.

Gusa ntiyashatse ko amazina ye ashyirwa mu itangazamakuru. Ati “Twamaze kugezwaho amabaruwa amenyesha akarere ko beguye ku mirimo yabo. Bose bavuga ko ari ku mpamvu zabo bwite.”

Umuyobozi w’akarere ka Gakenke, Nzamwita Déogratias, yabwiye IGIHE ko amabaruwa yo kwegura kw’aba Banyamabanga Nshingwabikorwa atarayabona.

Yagize ati “Nta mabaruwa yabo nari nabona kandi niyo nashingiraho,ubwo mwababaza bo ubwabo mukamenya byinshi.”

Aba banyamabanga Nshingwabikorwa bane bo mu Karere ka Gakenke mu gihe baba beguye, bakurikra abandi babiri bayoboraga Imirenge ya Musanze na Shingiro mu Karere ka Musanze ndetse n’abandi bo mu turere dutandukanye tw’igihugu begura agaragaza ko ari impamvu zabo bwite.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved