Kwamamaza

Film ‘Imbaraga z’Ubumwe’ ikangurira abantu kwitabira mituweli yerekanwe i Kigali

Yanditswe kuya 17-09-2016 saa 16:59' na Tombola Felicie


Film ngufi yitwa ‘Imbaraga z’Ubumwe’ ikangurira abaturage kwitabira ubwisungane mu kwivuza,cyane cyane abihunza inshingano ku miryango yabo, nyuma ugasanga baririra mu myotsi bugarijwe n’indwara.

Iyi film yanditswe na Umuhire Ines,umukobwa w’imyaka 24 utuye mu karere ka Gasabo, umurenge wa Gisozi nyuma y’uko mu ihuriro ry’Urubyiruko rugize umujyi wa Kigali ryabaye umwaka ushize yasanze hari n’abadatanga mituweli kubera kutabyitaho.

Yagize ati” Njya gutekereza iyi film twari mu ihuriro ry’urubyiruko rugize umujyi wa Kigali, turimo gukusanya amafaranga yo gutangira mituweli abatishoboye ariko nasanze hari n’ababasha kuyabona batabyitaho. Abo rero birengagiza inshingano nibo naje gukebura kuko bigira ingaruka ku bagize imiryango yabo ndetse n’igihugu.”

Yakomeje avuga ko bitewe nuko u Rwanda rukataje mu ikoranabuhanga yumvise yakora film maze kuko ahenshi ku mirenge n’utugali haba hari televiziyo ikajya yerekanwa n’abigira ba ntibindeba bakabona akamaro ka mituweli.

Ati” Ni impano natekereje gutanga kuri Minisiteri y’Ubutegetsi bw’Igihugu kugira ngo ntange umusanzu wanjye mu gukangurira abantu bose kwitabira mituweli kuko usanga ingaruka zibaho ari nyinshi kurenza uko umuntu yayitanga.”

Busabizwa Parfait, Umuyobozi wungirije w’Umujyi wa Kigali ushinzwe iterambere n’ubukungu yantangaje ko bishimiye iki gikorwa cy’urubyiruko kuko kigaragaza ubwitange kandi ari uruhare rwiza bagize mu iterambere ry’igihugu.

Ati”Iyo ufite ubuzima ni bwo ukorera igihugu cyawe neza, uyu ni umusanzu ukomeye kugira ngo abantu bite ku buzima bwabo noneho dutere imbere.”

Yatangaje ko iyi film izafasha gukomeza gushishikariza abatuye umujyi wa Kigali gukomeza gutanga umusanzu mu bwisungane mu kwivuza dore ko kuri ubu ubwitabire bugeze kuri 76% mu mujyi wose.

Yagize ati” Turacyafite akazi ko gukora kuko dukeneye kugera ku muhigo twihaye wo gutanga mituweli ijana ku ijana.”

Ku ruhande rwa RSSB ari na yo yeguriwe gucunga mituweli, Nzahumunyurwa Pierre Claver ushinzwe ubukangurambara bwa Mituweli muri RSSB, yashimiye Umuhire wagize iki gitekerezo ndetse n’urubyiruko rwamufashije kuko rutakoreye ibihembo ari umusanzu rwatanze gusa.

Ati“ Nka RSSB, iki ni igikoresho tubonye cyiyongera mu byo twari dusanzwe dukoresha mu bukangurambaga,iyo umuntu yumvise ibintu akanabireba ntabwo apfa kubyibagirwa,ni yo mpamvu tuzayifashisha mu kuyerekana mu bukangurambaga bwacu.”

Kugeza ubu ubwitabire bwa mituweli mu turere tw’umujyi wa Kigali, Gasabo iri ku kigero cya 82%, Kicukiro 77% na ho Nyarugenge ni 70%.

Mu gihugu hose ubwitabire bwa mituweli buri ku kigero cya 69,1%, RSSB ikaba ishishikariza abantu gukomeza gutanga imisanzu ya mituweli.

Abantu b'ingeri zutandukanye bitabiriye kureba iyi film
Abitabiriye kureba film kuri mituweli
Busabizwa Parfait, Umuyobozi Wungirije w'Umujyi wa Kigali ushinzwe Ubukungu
Nzahumunyurwa Pierre Claver, wari uhagarariye RSSB

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved