00:00:00 IGIHE NETWORK KN KINYARWANDA EN ENGLISH FR FRANCAIS

Etoile de l’Est yahaye akazi Banamwana Camarade, asabwa kuyizamura

Yanditswe na IGIHE
Kuya 24 Kanama 2021 saa 07:00
Yasuwe :
0 0

Ubuyobozi bwa Etoile de l’Est FC yo mu Cyiciro cya Kabiri bwamaze gusinyisha umutoza mukuru, Banamwana Camarade uherutse kwirukanwa na Kiyovu Sports.

Etoile de l’Est FC yemeje ko Banamwana Camarade ari we mutoza wayo mukuru mu mwaka w’imikino wa 2020/2021 kuri uyu wa Kabiri, tariki ya 24 Kanama 2021.

Banamwana yasabwe kuzamura iyi Kipe ibarizwa mu Ntara y’Iburasirazuba, mu Karere ka Ngoma. Uyu mutoza na we yasabye ubuyobozi kumubonera bamwe mu bakinnyi bafite uburambe buhagije kugira ngo abashe kugera ku ntego ze.

Umunyamabanga wa Etoile de l’Est FC, Byukusenge Elia, yemereye IGIHE ko uyu mutoza yamaze gusinyira iyi kipe kandi ko bamusabye kuyizamura nawe akabasaba abakinnyi batanu beza.

Ati “Kuyizamura ni cyo twamusabye. Na we yadusabye kongeramo abandi bakinnyi batanu mu myanya yaburaga ngo twuzuze abakinnyi 30.”

Ku ikubitiro, Etoile de l’Est FC, yasinyishije Rukundo Protogène uzwi nka TIGER amasezerano azarangirana n’uyu mwaka wa 2021/2022.

Banamwana yamenyekaniye bwa mbere muri Bugesera FC ubwo yasezereraga Rayon Sports mu Gikombe cy’Amahoro, aca muri Gicumbi FC mbere yo kwerekeza muri Kiyovu Sports yari amazemo umwaka umwe gusa.

Ni umutoza uzwiho gukoresha abakinnyi badafite amazina manini, ariko akayabyaza umusaruro nkuko yabigaragaje ari muri Gicumbi FC agatsinda amakipe akomeye mu Rwanda kandi yungirije.

Etoile de l’Est FC yahabwaga amahirwe yo kuzamuka mu mwaka ushize, ariko ntabwo byayigendekeye neza.

Etoile de l’Est FC yasinyishije Banamwana Camarade nk'umutoza wayo mukuru
Banamwana Camarade yahawe inshingano zo kuzamura Etoile de l’Est FC mu Cyiciro cya Mbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .