Kwamamaza

Dr Richard Sezibera yemejwe mu bahatanira gusimbura Senateri Jean de Dieu Mucyo

Yanditswe kuya 19-11-2016 saa 07:17' na Rabbi Malo Umucunguzi


Ku itariki ya Mbere Ukuboza, nibwo hateganyijwe amatora yo kuzuza Sena ku mwanya w’Umusenateri utorerwa mu Ntara y’Amajyepfo, ugomba gusimbura Senateri Jean De Dieu Mucyo witabye Imana mu gitondo cyo kuwa 3 Ukwakira, azize impanuka yagize azamuka ‘escalier’ ajya mu kazi ke ka buri munsi.

Mu bakandida bamaze kwemezwa bazatoranywamo ugomba gusimbura Senateri Mucyo wakomokaga mu Ntara y’Amajyepfo, harimo Dr Masabo François usanzwe ari umwarimu muri Kaminuza y’u Rwanda, Mukakabera Monique, Mukamuganga Veneranda na Muhimakazi Félicité na Dr. Sezibera Richard wari Umunyamabanga Mukuru w’Umuryango wa Afurika y’Iburasirazuba, EAC.

Kuri uyu wa Gatanu tariki 18 Ugushyingo 2016, nibwo Komisiyo y’Igihugu y’Amatora ‘‘yakiriye abakandida Senateri bemejwe kuziyamamariza mu Ntara y’Amajyepfo gusimbura Jean De Dieu Mucyo, baganira ku mabwiriza yo kwiyamamaza’’ nk’uko yabitangaje binyuze ku rubuga rwa twitter.

Richard Sezibera uri mu bakandida bamaze kwemezwa na Komisiyo y’Igihugu y’Amatora, si mushya muri politiki y’u Rwanda kuko yigeze kuba umudepite imyaka itanu, aba ambasaderi w’u Rwanda muri Leta Zunze Ubumwe za Amerika, Mexique, Argentine na Brasil.

Dr Sezibera kandi yabaye Minisitiri w’Ubuzima, gusa kuri ubu nta mirimo izwi ari gukora nyuma yo gusoza manda y’imyaka itanu nk’Umunyamabanga Mukuru w’Umuryango wa Afurika y’Iburasirazuba, aho yasimbuwe n’Umurundi Liberat Mfumukeko. Ni inshingano yakoraga kuva muri Mata 2011 kugeza muri Werurwe 2016.

Kwiyamamaza kw’Abakandida bizatangira kuwa 21 kugeza kuwa 30 Ugushyingo 2016, bivuze ko bazahabwa iminsi umunani yo kwiyamamaza, izarangira bucya haba amatora.

Biteganyijwe ko gutangaza by’agateganyo ibyavuye mu matora ku mwanya w’Umusenateri utorerwa mu Ntara y’Amajyepfo bizakorwa bitarenze tariki 06 Ukuboza 2016 mu gihe ibyavuye mu matora bizatangazwa burundu bitarenze tariki 13 Ukuboza.

Dr Richard Sezibera yemejwe nk’umukandida mu bahatanira gusimbura Senateri Jean de Dieu Mucyo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved