Dr Diane Gashumba yagizwe Minisitiri w’Ubuzima

Yanditswe na Kanamugire Emmanuel
Kuya 4 Ukwakira 2016 saa 09:20
Yasuwe : XX
0

Dr Gashumba Diane wari Minisitiri w’Uburinganire n’Iterambere ry’Umuryango yagizwe Minisitiri w’Ubuzima, asimbuye Dr Agnes Binagwaho wayivuyemo muri Nyakanga uyu mwaka.

Dr Gashumba yahawe Minisiteri y’Ubuzima avuye muri Minisitiri y’Uburinganire n’Iterambere ry’Umuryango,yagiyemo muri Werurwe 2016,asimbuye Oda Gasinzigwa.

Icyo gihe Umukuru w’Igihugu yashyizeho abandi bayobozi barimo Umunyamabanga Uhoraho muri Migeprof, Kamanzi Jacqueline,Umulisa Henriette, wari usanzwe kuri uyu mwanya agirwa Umunyamabanga Mukuru muri Komisiyo Ishinzwe gusezerera no gusubiza mu buzima busanzwe abahoze ari abasirikare na ho Kayonga Jack, aba Umuyobozi Mukuru w’Agaciro Development Fund.

Minisiteri y’Uburinganire n’Iterambere ry’Umuryango yahawe Nyirasafari Esperance wari umudepite mu Nteko Ishinga Amategeko.

Imwe mu mirimo Nyirasafari Esperance yakoze

Nyirasafari Esperance yavutse kuwa 13 Nyakanga 1972. Yabaye umukozi mu rwego rw’ubushinjacyaha bwa Repubulika, aza kugirwa Umunyamabanga Uhoraho muri Minisiteri y’Ubutabera, umwanya yariho mu 2009.

Muri Mutarama 2013, Nyirasafari Esperance yatorewe kuyobora Komisiyo y’Amategeko mu Ihuriro ry’Abanyarwandakazi bari mu Nteko Ishinga Amategeko - FFRP (Forum des Femmes Rwandaises Parlementaires).

Yari Umudepite mu Nteko Ishinga Amategeko y’u Rwanda, akaba n’Umunyamuryango wa FPR-Inkotanyi mu Karere ka Kicukiro.

Dr Diane Gashumba ubwo yarahiriraga inshingano ze nka Minisitiri muri Migeprof

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza