Kwamamaza

Kigali: Daihatsu yataye umuhanda igwa mu gishanga abayirimo bararusimbuka (Amafoto)

Yanditswe kuya 4-11-2016 saa 11:33' na Thamimu Hakizimana


Imodoka yo mu bwoko bwa Daihatsu yari ipakiye inyanya iva mu isoko rya Kimironko yerekeza Nyabugogo yacitse feri igwa mu gishanga i Nyarutarama, abantu batatu bari bayirimo bararusimbuka.

Ahagana saa tatu n’igice zo kuri uyu wa Gatanu tariki ya 4 Ugushyingo 2016, nibwo iyi modoka yaguye mu gishanga giherereye mu Mudugudu wa Juru mu Kagari ka Nyarutarama, mu Murenge wa Remera.

Kigingi w’iyo modoka witwa Kanyamahanga Jean Berchimas yabwiye IGIHE ko impanuka bakoze yatewe n’uko imodoka yacitse feri.

Yagize ati “ Twari tuvuye mu isoko rya Kimironko tugiye Nyabugogo noneho tugeze aha hantu hamanuka imodoka icika feri nibwo twahise tugwa muri iki gishanga ariko ku bw’amahirwe nta muntu wapfuye.”

Yakomeje avuga ko umugabo wari umaze ibyumweru bibiri akodesha iyi Daihatsu kugira ngo ayikoreshe ubucuruzi ariwe wakomeretse ku mutwe hafi y’ijisho.

Ubwo iyi mpanuka yamaraga kuba imbangukiragutabara yahise ihagera ijyana uwo mugabo kwa muganga.

Impanuka y'iyi modoka biravugwa ko yatewe no kubura feri
Imodoka yakoze impanuka yari itwaye inyanya
Abaturage batunguwe no kubona nta muntu waguye muri iyi mpanuka, ukurikije uburyo imodoka yangiritse
Daihatsu yakoze impanuka yangiritse cyane
Abaturage bari bashungereye ahabereye impanuka ari benshi
Agace kabereyemo impanuka
Bifashishije imodoka yabugenewe bakura Daihatsu aho yari yaguye
Inyanya yari itwaye zangiritse cyane
Kigingi w'iyi modoka Kanyamahanga Jean Berchimas yatangaje ko nta muntu waguye muri iyi mpanuka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved