Kwamamaza

Cyabakamyi : Abahabwaga inkunga ya VUP bari mu gihirahiro

Yanditswe kuya 28-09-2016 saa 20:42' na Emma-Marie Umurerwa


Bamwe mu batishoboye bo mu Murenge wa Cyabakamyi, mu Karere ka Nyanza, bahabwaga inkunga y’ingoboka bavuga ko bakuwe ku rutonde rw’abafata iyo nkunga kandi icyatumye barushyirwaho kigihari.

Nyirakimonyo Dancille w ‘imyaka 68, avuga ko yari amaze imyaka ibiri ahabwa inkunga ya VUP y’amafaranga 7,500 buri kwezi, kuri ubu ariko ngo yakuwe ku rutonde rw’abatishoboye mu buryo atumva neza.

Yagize ati " Nari ndi ku rutonde rw’abatishoboye bahabwa inkunga ya VUP mu Kagari ka Karama, kuva uyu mwaka watangira nta nkunga bongeye kumpa ngo sindi ku rutonde rw’abagomba gufashwa. Nibaza icyatumye bankura ku rutonde kandi abaturage barantoye mu batishoboye."

Nsekanabo Alphonse w’imyaka 83, ni incike yahabwaga inkunga ya VUP mu myaka itanu ishize, gusa nawe avuga ko yakuwe ku rutonde none ngo kuri ubu ari mu gihirahiro cy’uko azabaho.

Yagize ati "Bampaga inkunga y’amafaranga, none bankuye ku rutonde. Nabajije gitifu icyatumye bankura ku rutonde arambwira ngo imashini yaransimbutse, mubajije uko nzabigenza arambwira ngo nihangane."

Umunyamabanga Nshingwabikorwa w’Umurenge wa Cyabakamyi, Jean Marie Vianney Nkurikiyumukiza, avuga ko amakuru abaturage batanze ariyo yatumye bashyirwa mu byiciro by’abagomba gufashwa cyangwa babikurwamo.

Ati "Umwaka ushize twari dufite abahabwa inkunga bagera kuri 200, ubu imibare ntiturayibona neza. Hari igihe usanga umuntu ashaje ariko afite abana cyangwa abandi bo mu muryango bashobora kumufasha. Abatari mu cyiciro cy’abagomba gufashwa rero byatewe n’amakuru batanze ubwo bashyirwaga mu byiciro by’ubudehe."

Uyu muyobozi yakomeje avuga ko abaturage batishimiye ibyiciro by’ubudehe barimo, bahawe umwanya wo kujurira, kandi ko abari ku rutonde rw’abagomba gufashwa muri VUP, Leta izakomeza kubafasha nk’uko bisanzwe.

Abafataga inkunga ya VUP bibaza impamvu bakuwe ku rutonde bikabayobera

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 31 Ukwakira 2016
Copyright © 2009 -2014 - IGIHE Ltd - All Rights Reserved