Kwamamaza

Cogebanque yasinyanye amasezerano na Attijariwafa yo muri Maroc

Yanditswe kuya 21-10-2016 saa 19:53' na IGIHE


Cogebanque Ltd yasinyanye amasezerano y’ubufatanye na Banki ikomeye muri Maroc, Attijariwafa kugira ngo izabe umunyamigabane w’ibanze muri Cogebanque.

Amasezerano y’ubwumvikane yashyizweho umukono ku wa 19 Ukwakira 2016 imbere ya Perezida Paul Kagame, hamwe n’Umwami Muhammed VI wa Maroc. Aya masezerano y’ubwumvikane ashyiraho gahunda y’ibikorwa izakurikizwa, bikazasozwa no gushyira umukono ku masezerano y’igura ry’imigabane muri Cogebanque. Ibi bikazaba nyuma yo kubahiriza ibisabwa byose ndetse no kwemezwa n’inzego z’ubuyobozi bireba.

Banki Attijariwafa ni Banki ya mbere muri Maroc ndetse ikaba n’ikigo kinini cy’imari cyashinzwe mu mwaka wa 1904.Ubu ikorera mu bihugu makumyabiri na bitanu (25), ikagira amashami ibihumbi bitatu magana inani na mirongo ine n’ane (3.844), abakozi ibihumbi cumi na birindwi magana atatu na mirongo itandatu na barindwi (17.367) ndetse ikanagira abakiliya bagera kuri miliyoni umunani n’ibihumbi ijana (8.100.000).

Banki Attijariwafa iba ku isoko ry’imari n’imigabane rya Casablanca, aho kugeza ku wa 30 Nzeri 2016 agaciro k’imigabane yayo kuri ryo soko kari miliyari zirindwi na miliyoni magana ane z’amadolari ya Amerika ( USD7.4 bn).

Ku rundi ruhande, Cogebanque yatangiye imirimo yayo muri Kanama 1999; kuva icyo gihe yakomeje kuzamuka kandi yunguka bituma iba imwe mu mabanki akomeye mu Rwanda ku buryo ku wa 31 Ukuboza 2015 yari ifite umutungo ungana na miliyari ijana na mirongo irindwi n’umunani z’amafaranga y’u Rwanda (RWF 178 bn) hamwe n’urwunguko ruvanguye rungana na miliyari ebyiri na miliyoni magana atandatu z’amafaranga y’u Rwanda (RWF 2.6 bn).

Cogebanque ubu ifite amashami makumyabiri n’atatu (23), ikaba itanga serivise nyinshi kandi zitandukanye. Kugeza mu mpera za Nzeri 2016, Cogebanque ifite urwunguko ruvanguye rungana na miliyari ebyiri na miliyoni magana cyenda mirongo icyenda n’icyenda z’amafaranga y’u Rwanda (FRW 2.99 bn). Ibi bikaba bigaragaza ko uyu mwaka uzarangira ifite urwunguko rushimishije kurushaho.

Perezida w’Inama y’Ubutegetsi ya Cogebanque, Philibert Afrika, yagize ati “Ntidushidikanya ko iyi mikorere myiza kandi ihoraho ya Cogebanque n’uburyo ihagaze mu ruhando rw’andi mabanki ari byo byatumye Attijariwafa iyihitamo igihe yifuzaga gushora imari yayo mu Rwanda.”

“Iyi ntambwe twatangiye ijyanye kandi n’icyerekezo cya Cogebanque cyo kuba banki ya mbere mu gutanga serivise nziza kandi yo ku rwego rwo hejuru, isubiza ibyifuzo by’abayigana bose haba mu Rwanda no mu karere. Turizera ko Banki Attijariwafa ari we mufatanyabikorwa Cogebanque ikeneye kandi uyibereye kugira ngo yagure ndetse inanoze ibikorwa byayo kuko noneho izaba ifite imari shingiro yisumbuyeho kandi ihagije.”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved