Cogebanque igiye gufunga ishami ryo kuri Rond-Point nini yo mu mujyi wa Kigali

Yanditswe na Ishimwe Israel
Kuya 8 Ugushyingo 2016 saa 01:35
Yasuwe : XX
0

Kubera ibikorwaremezo by’Umujyi wa Kigali bigiye gushyirwa ahakoreraga ishami rya Cogebanque kuri rond-point nini yo mu Mujyi, ubuyobozi bw’iyi banki buratangaza ko buzafunga burundu iryo shami kuva kuwa 16 Ugushyingo 2016.

Mu itangazo rigenewe abanyamakuru n’abakiriya, Cogebanque yamenyesheje ko aho ishami ryo kuri Rond Point ku muhanda ujya Nyabugogo ryakoreraga, Umujyi wa Kigali ugiye kuhashyira ibindi bikorwaremezo.

Rigira riti “ Kubera iyo mpamvu, abakiriya ba Cogebanque bakoranaga n’iryo shami bashobora gukoresha amashami yari aryegereye nko kwa Rubangura no mu nyubako ya CHIC cyangwa andi mashami abegereye mu gihugu kandi bazakomeza kubona serivisi nziza nk’uko bisanzwe.”

Iri shami rya Cogebanque ryo kuri Rond-Point nini yo mu Mujyi, ku muhanda ujya Nyabugogo ryafunguwe mu 2000.

Muri uyu mwaka, Cogebanque yafunguye amashami mashya nk’irikorera mu nyubako ya CHIC mu Mujyi wa Kigali, irya Ruhango mu Ntara y’Amajyepfo n’i Karongi mu Burengerazuba.

Ishami rya Cogebanque ryakoreraga kuri Rond-point rizafungwa burundu kuva tariki ya 16 Ugushyingo 2016
Iyi nyubako niyo izaba ikoreramo icyicaro gikuru cya COGEBANQUE

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza