Centrafrique: Abacungagereza b’Abanyarwanda bari mu butumwa bw’amahoro bambitswe imidali

Yanditswe na Akayezu Jean de Dieu
Kuya 5 Ugushyingo 2018 saa 09:20
Yasuwe :
0 0

Abacungagereza b’Abanyarwanda bari mu butumwa bw’amahoro bw’Umuryango w’Abibumbye muri Centrafrique (MINUSCA) bambitswe imidali y’ishimwe bakesha kugaragaza ubunyamwuga ku rwego mpuzamahanga.

Abacungagereza barindwi bari muri Centrafrique bayobowe na SSP Murenzi Alex, nibo bambitswe iyi midali kuri uyu wa Mbere, nk’uko byatangajwe n’ Urwego rw’Igihugu rushinzwe imfungwa n’abagororwa, RCS, binyuze ku rukuta rwa Twitter.

Mu bikorwa by’aba bacungagereza uretse gucunga gereza harimo no gutanga ubumenyi ku nzego z’amagereza muri icyo bihugu.

Umuvugizi wa RCS, SSP Sengabo Hillary yabwiye IGIHE ko kuba aba bacungagereza bambitswe imidari bisobanuye ubunyamwuga bubaranga.

Yagize ati “Bivuze ko abacungagereza b’u Rwanda bageze ku rwego mpuzamahanga mu mikorere yabo, ikindi kandi bigaragaza ko n’ubunyamwuga buba buri kurwego rwishimirwa n’ababahaye imidari. Urumva rero ni ishema ry’u Rwanda.”

Abacungagereza 17 nibo bari mu butumwa bw’amahoro, aho bari mu bihugu bya Haiti, Sudani y’Epfo, Darfur na Centrafrique.

Abacungagereza b'u Rwanda bambitswe imidari y'ishimwe kubwo kugaragaza ubunyamwuga
Ubwo abacungagereza b'abanyarwanda bambikwaga imidali muri Centrafrique

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza