Kwamamaza

Byahishuwe ko Clinton amaze gutsindwa yarize kugeza ubwo ntawashoboraga kumuhoza

Yanditswe kuya 13-11-2016 saa 08:24' na Deus Ntakirutimana


Kwakira ugutsindwa ku mwanya uhatanirwa si buri wese upfa kubishobora, kuko abenshi usanga barangwa n’amarangamutima batamenya aho akomotse akurikirwa no kurira, nk’ibyabaye kuri Hillary Clinton nubwo nyuma yo gutsindwa yagaragaye mu ruhame amwenyura.

Tariki ya 9 Ugushyingo 2016, Hillary amaze kubona ko arimo kugenda atsindwa na Donald Trump bari bahanganiye umwanya wo kuyobora Leta Zunze Ubumwe za Amerika yariherereye ararira.

Ni inkuru itari kumenywa na benshi iyo idashyirwa hanze n’umwanditsi Ed Klein.

Uyu mugabo yabwiye televiziyo News Max ko ubwo Hillary yamenyaga ko yatsinzwe na Trump yahamagaye inshuti ze arira.

Ati “Ahagana 6:30 mu gitondo, yahamagaye inshuti ye kuri telefoni, arira bidasanzwe, yarariraga bidahagarara .” Hillary ngo yarariraga cyane kugeza nubwo ibyo yavugaga bitumvikanaga.

Klein yanatangaje ko Hillary Clinton yumvikanye avuga ko yatsindishijwe na Perezida wa FBI James Comey wazamuye ibijyanye n’ikibazo cy’ubutumwa bw’akazi yoherezaga akoresheje konti ye, kandi yataregetswe gukoresha iy’akazi. Icyo kibazo cyazamuwe mbere y’iminsi 11 ngo amatora atangire.
Hillary yumvikanye kandi avuga ko gutsindwa kwe byagizwemo uruhare na Perezida Obama utarakoze ibihagije kugira ngo icyo kirego gihagarare, dore ko na Perezida Bill Clinton yari yabivuzeho ko icyo kirego cyagombaga guhagarikwa.

Si Hillary wenyine warijijwe no gutsindwa na Trump, kuko abamushyigikiye batangiye kurira mu gihe kubarura amajwi bitari byakarangiye, ndetse nyuma abandi birara mu mihanda bagaragaza ko badashaka Trump.

Uretse abo kandi Bill Clinton, umugabo wa Hillary wigeze kuyobora Amerika wanabaye Perezida wa mbere uyoboye Amerika wakandagiye mu Rwanda, nawe yafashwe n’ikiniga ararira.

Bill Clinton yari mu gikorwa cyateguwe n’umugore we Hillary cyo gushimira abamufashije mu bikorwa bitandukanye by’amatora cyabaye ku wa gatanu tariki ya 11 Ugushyingo 2016.

Hillary Clinton yashimye itsinda ry’abari bashinzwe kumwamamaza avuga ko iminsi ishize yari ibihe bikomeye.

Uretse Bill Clinton n’umukobwa wabo Chelsea, ibyo birori byari byitabiriwe na John Podesta wari ushinzwe ibikorwa byo kwamamaza Hillary. Podesta yashimye Hillary ndetse n’abamutoye.

Yabasabye kandi kwihuza bagatekereza ku cyo bakora ‘cyerekana ko baranzwe n’urukundo Trump yanga’. Umugabo we Bill Clinton na Podesta bacyumva iryo jambo bahise bariririra aho.

Hillary yakomeje ababwira ko batsinze icyiciro cy’umukandida wari ukunzwe bikaba bigaragaza akazi abamwamamaje bakoze kandi kagize umusaruro.

Yabashimiye ako kazi gakomeye bakoze kamuhesheje ikuzo rikomeye mu yo yagize mu buzima.

Hillary Clinton niwe wahabwaga amahirwe yo kuyobora Leta Zunze Ubumwe za Amerika
Umwanditsi Ed Klein yatangaje ko Clinton amaze gutsindwa yarize cyane

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved