Burera: Umugore yabyariye mu nzira abana batatu avuye gutora

Yanditswe na Akayezu Jean de Dieu
Kuya 3 Nzeri 2018 saa 03:09
Yasuwe :
0 0

Umugore witwa Maniraguha Claudine wo mu Kagari ka Nyagahinga mu Murenge wa Cyanika muri Burera, yabyariye mu nzira abana batatu b’impanga ubwo yavaga gutora Abadepite.

Uyu mugore yibarutse mu gitondo cyo kuri uyu wa Mbere tariki ya 03 Nzeri 2018.

Uyu mubyeyi yabyaye abana batatu b’abakobwa avuye gutorera kuri site y’itora iri muri aka kagari.

Bivugwa ko yafashwe n’ibise ari gutaha, agahita yitabaza urugo rw’abaturanyi ari naho yabyariye. Amaze kubyara, yahise ajyanwa ku Kigo Nderabuzima cya Cyanika. Yaje kuvanwa kuri iki kigo nderabuzima ajyanwa ku Bitaro bya Ruhengeri mu Karere ka Musanze ngo akomeze kwitabwaho.

Umuyobozi w’Akarere Burera wungirije ushinzwe imibereho myiza y’abaturage, Habyarimana Jean Baptiste, yabwiye IGIHE ko umubyeyi n’abana bameze neza.

Uyu mubyeyi ari mu cyiciro cya kabiri cy’ubudehe, ubuyobozi bwiyemeje ko buri bushake uburyo bwo kumwitaho.

Ati “Mu bushobozi bw’akarere turageraza kugira ngo tubarebere nk’inka ikamwa abana bataza kugira ikibazo cy’imirire mibi.”

Uyu mugore yari asanzwe afite abana bane, bisobanuye ko agize umuryango w’abana barindwi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza