Kwamamaza

Bugesera:Abafatanyabikorwa b’Akarere birengereye umwanya kabonye mu mihigo

Yanditswe kuya 30-09-2016 saa 18:22' na Ntakirutimana Deus


Ihuriro ry’abafatanyabikorwa mu iterambere (JADF) ry’akarere ka Bugesera basanga gutatanya imbaraga ari byo byatumye akarere bakoreramo kabona umwanya wa 12, bifuza kuvaho muri uyu mwaka w’imihigo.

Umuyobozi w’iri huriro, Murenzi Emmanuel yabigarutseho mu gikorwa cyo gusoza imurika ry’ibyo bakora muri ako karere cyabaye kuri uyu wa Kane tariki ya 29 Nzeri 2016.

Yagize ati “ Uyu mwaka twahuriye hamwe ibikorwa byacu tubitegurira hamwe turi kumwe n’akarere mu rwego rwo kwirinda gutatanya imbaraga.”

Murenzi asanga imiryango 67 ikorera muri ako karere ifasha koperative zaho 120 gutera imbere, hari ibikorwa byinshi ikora, ariko ngo kuba idategurira hamwe ibikorwa byayo n’akarere byatumaga hari ibitamenyekana ntibigire n’icyo bimarira akarere mu kwesa imihigo.

Umwaka utaha ngo barizera ko akarere kazaza imbere mu mihigo, byibura mu myanya itanu ya mbere, ku buryo n’uwa mbere bashobora kuwegukana kuko bamaze kubona ahari ikibazo.

Umuyobozi w’Akarere ka Bugesera, Nsanzumuhire Emmanuel asanga abikorera bafite uruhare rukomeye mu iterambere ryako biciye mu bufatanye bagirana, ku buryo bushyizwemo imbaraga bwagirira abaturage akamaro.

Nsanzumuhire avuga ko umwanya wa 12 babonye mu mihigo y’umwaka wa 2015-2016 atari mubi ariko bifuza kujya imbere binyuze mu gufatanya n’abikorera bakabona umwanya wa mbere.

Ihuriro ry’abafatanyabikorwa mu iterambere ry’akarere ka Bugesera rigira uruhare rufatika mu kugateza imbere ugereranyije n’imyaka ishize, bahagurukiye gufatanya mu buryo bwisumbuye.

Uyu mwaka bihaye umuhigo wo gushyira kaburimbo mu mihanda yo mu Mujyi wa Nyamata ufite uburebure bwa kilometero 5.6 uzatwara amafaranga y’u Rwanda agera kuri miliyari 4.5.

Umuhuzabikorwa wa DJAF mu Rwanda, Munyandamutsa Jean Paul, yavuze ko mu minsi yashize byari bizwi ko imiryango itegamiye kuri Leta ibonwa mu modoka zihenze, n’iy’imbere mu gihugu yitwaga ‘Association’ irangwa no guhangana gusa n’amakimbirane ngo ubu yahagurukiye gufasha abaturage kwiteza imbere.

Akarere ka Bugesera mu mwaka wa 2014/2015 kabaye aka 25 mu mihigo, uyu mwaka ushize kegukana umwanya wa 12.

Umuyobozi muri RGB, Munyandamutsa, Jean Paul ashyikiriza umwe mu bamuritse ishimwe
Abafatanyabikorwa b'Akarere ka Bugesera mu imurikabikorwa
Abikorera bamuritse bimwe mu bikorerwa mu Bugesera
Igitoki gipima ibiro 175 cyasaruwe muri Bugesera

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved