Bugesera: Ba Gitifu babiri beguye, umuyobozi mu karere yandika asaba guhagarika akazi

Yanditswe na Hakizimana Jean Paul
Kuya 19 Nzeri 2019 saa 07:00
Yasuwe :
0 0

Abanyamabanga Nshingwabikorwa b’imirenge ya Rweru na Mwogo, yo mu Karere ka Bugesera bandikiye umuyobozi w’Akarere basaba kwegura ku mirimo yabo ngo kuko babona umuvuduko aka karere kariho batagishoboye kuwukoreraho.

Kagorora Ngombwa Leandre wayoboraga Umurenge wa Rweru na Nzaba Muhimuzi Benjamin, wayoboraga Umurenge wa Mwogo bagejeje amabaruwa y’ukwegura kwabo ku biro by’Akarere kuri uyu wa Kane tariki 19 Nzeri 2019.

Undi muyobozi ushinzwe One Stop Center muri aka Karere Umuhoza Adelte Christian, we yatanze ibaruwa asaba guhagarika akazi ngo abanze ajye gukomeza icyiciro cya gatatu cya Kaminuza (Masters).

Mu ibaruwa z’aba bayobozi IGIHE yaboneye kopi, nko muyo Umunyamabanga Nshingwabikorwa w’Umurenge wa Rweru Kagorora yavuze ko umuvuduko igihugu kiriho ukeneye izindi mbaraga zirenze ize.

Yagize ati" Maze kubona ko umuvuduko w’igihugu cyacu n’Akarere ka Bugesera by’umwihariko ukeneye imbaraga nshya mu kwihutisha iterambere. Nshingiye ku gihe maze nkora akazi ku mwanya w’umunyamabanga Nshingwabikorwa w’umurenge kugira ngo hashyirwemo imbaraga nshya. Mboneyeho kubashimira uburyo twakoranye mu gihe cyose nakoreraga mu Karere nk’umunyamabanga Nshingwabikorwa."

Uku kwegura kuje nyuma y’imikorere mibi yakunze kuranga aba bayobozi irimo kuvugirwamo n’abaturage, kwigumura kw’abaturage bayoboraga n’ibindi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza