Bugesera: Abavandimwe babiri bapfiriye k’uwo bikekwa ko ari umupfumu

Yanditswe na Uwishyaka Jean Louis
Kuya 26 Nzeri 2016 saa 03:00
Yasuwe : XX
0

Abavandimwe babiri bapfiriye umunsi umwe mu mpera z’icyumweru gishize, bivugwa ko baguye ku mupfumu aho bari bagiye kuvuzwa ‘amarozi’.

Umwana w’umukobwa w’imyaka 22 hamwe na murumuna we w’imyaka 12, bakomokaga mu Murenge wa Ntarama, mu Karere ka Bugesera, bapfiriye mu Murenge wa Nyamata na wo wo muri aka karere ku wa gatandatu tariki ya 24 Nzeri 2016.

Umukozi ushinzwe irangamimerere mu Murenge wa Ntarama, Butera Fidèle, yatangarije IGIHE ko aba bana bashyinguwe nyuma y’umuganda rusange usoza ukwezi.

Yagize ati «Amakuru mfite ni uko iwabo bari baragiye kubavuza ku mupfumu mu Murenge wa Nyamata ahitwa Murama. Niho baguye bombi twabashyinguye ku wa gatandatu nyuma y’umuganda. »

Umunyamabanga Nshingwabikorwa w’Umurenge wa Nyamata, Rurangirwa Fred, we avuga ko aho aba bana baguye ari kwa nyina wabo.

Yagize ati « Biravugwa ko hari umuturanyi wabo i Ntarama waroze umukuru hanyuma agasangira na murumuna we. Biravugwa kandi ko baje kurwarira kwa nyina wabo bahunga uwo wabaroze, nuko rero ku bw’amahirwe make ntibakira ahubwo barapfa bombi. Ni amakuru tudafitiye gihamya natwe kuko iperereza riracyakomeje.»

Uyu muyobozi yakomeje avuga ko bishoboka ko aba bana, baba baravujwe mu bavuzi ba kinyarwanda ariko na byo ngo nta gihamya abifitiye.

Umuvugizi wa Polisi mu Ntara y’Iburasirazuba, IP Emmanuel Kayigi, yadutangarije ko aya makuru atarayamenya, ahubwo ko agiye kuyakurikirana akaza kuduha amakuru arambuye nyuma...

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza