Kwamamaza

Abanyarwanda baba muri Ethiopia bishyuriye mituweli Abanyabugesera 2130

Yanditswe kuya 29-09-2016 saa 10:28' na Jean Pierre Tuyisenge


Abanyarwanda baba muri Ethiopia bateye inkunga y’ubwisungane mu kwivuza abantu 2130 bo mu Karere ka Bugesera mu Murenge wa Ntarama, ku wa Kabiri tariki ya 27 Nzeri 2016.

Ni inkunga abagenerwa bikorwa bavuga ko yabanezeje kuko ngo bamwe batari bafite ubushobozi bwo kuyitangira.

Ubuyobozi bw’ihuriro ry’aba banyarwanda, buvuga ko bwakoze iki gikorwa mu rwego rwo kwihesha agaciro, kwishakamo ibisubizo no gufatanya n’abandi mu kwikemurira ibibazo binyuze muri gahunda za leta.

Bwana Alex Kamurase, Umuyobozi w’iri huriro yasobanuye ko iki gikorwa kigamije kwimakaza umuco wo kugira uruhare mu kwishakira ibisubizo mu buryo buhoraho.

Kamurase yagize ati " Nyuma yo kuganira ku musanzu twatanga nk’abanyamuryango tukemeza gushyigikira gahunda y’Ubwisungane mu kwivuza ku banyarwanda batishoboye, twishimiye umurava ndetse n’uburyo iki gikorwa cyakozwe vuba. “

Yongeyeho ko igishimishije ari uko abanyamuryango biyemeje kugira uruhare muri icyo gikorwa, kugira ngo bigirire akamaro abagenerwa bikorwa kurushaho ndetse bunganire gahunda za Leta.

Inkunga yakusanyijwe, ingana n’amafaranga 6 390 000, ikazabasha kurihira Ubwisungane mu kwivuza abantu 2130 bo mu Karere ka Bugesera batagize ubushobozi bwo kubwiyishyurira.

Abashyikirijwe iyi nkunga bagaragaje ko bashimishijwe na yo kuko ngo nyuma yo guhura n’ikibazo cy’izuba umusaruro ukaba muke, bahise bagira ikibazo cy’amikoro ntibabasha kugira ubushobozi bwo kwiyishyurira.

Karangwa Onesphore wo mu Mudugudu wa Nyarubazi, Akagali ka Cyungo yagize ati “ Tunejejwe n’iki gikorwa mudukoreye, kuko muri iyi minsi twagize akabazo k’amikoro make ariko ubu dushimishijwe n’uko ubu tugiye kwiyubaka kubera inkunga muduteye. Biduhaye n’inyigisho nk’ Umurenge wa Ntarama, kuba muri abanyarwanda bari hanze y’igihugu ariko mukadutekerezaho.”

Abanyarwanda baba muri Ethiopia bavuga ko bateganya gukomeza kugira uruhare mu iterambere ry’igihugu, bashyigikira gahunda zitandukanye za Leta by’umwihariko bakaba ngo bateganya no kuzatanga ubundi bufasha ku batishoboye bazafashwa binyuze mu yindi mishinga yatuma barushaho kwigira.

Mr Jean Marie Nkurayija umwe mu banyarwanda baba muri Ethiopia aha umugenerwabikorwa ikarita ya Mituweli
Umwe mu bagenerwabikorwa ahabwa ikarita ya Mituweli
Abaturage bo mu Murenge wa Ntarama bishyuriwe Mituweli

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved