Kwamamaza

Bosco Ntaganda yabwiye ICC ko ‘yiteguye gupfa’

Yanditswe kuya 13-09-2016 saa 17:10' na Philbert Girinema


Bosco Ntaganda wahoze mu mutwe w’inyeshyamba muri Repubulika Iharanira Demokarasi ya Congo, kuva mu Cyumweru gishize yatangiye kwiyicisha inzara mu buryo bwo kwigaragambya yinubira uburyo afunzwemo, kuri uyu wa Kabiri yabwiye Urukiko Mpuzamahanga Mpanabyaha ruri i Hague mu Buholandi ko yiteguye no gupfa.

Ntaganda akurikiranyweho ibyaha by’intambara n’ibyibasiye inyokomuntu byakozwe n’ingabo yari ayoboye muri RDC hagati ya 2002 na 2003.

Amagambo yasomwe n’umwunganizi we muri uru rubanza, Ntaganda yagize ati “ Ntabwo ngishobora kubona umugore wanjye n’abana banjye ukundi nkuko byari bisanzwe. Iyi niyo mpamvu natakaje icyizere cyose. Niyo mpamvu njye niteguye no gupfa.”

Ntaganda kandi yasabye umwunganizi we kutazongera kumuhagararira ukundi no guhagarika ibikorwa byose by’amategeko yamufashagamo. Ayo magambo akaba yahawe agaciro n’abacamanza batatu bari bahagarariye inteko iburanisha.

Uyu mugabo yahagaritse kurya mu cyumweru gishize nyuma yo kutishimira ikumirwa ku kuvugira kuri telefoni no kwamburwa uburenganzira bwo gufungwa, ibintu byatangiye mu mwaka wa 2014 ubwo byavugwaga ko ashobora kuba yagirana imikoranire n’abatangabuhamya bikaba byahutaza imigendekere myiza y’urubanza.

Kuri uyu wa Kabiri, ntabwo Ntaganda yagaragaye mu rukiko kuko yakurikiranye iburanisha mu buryo bw’amashusho nyuma y’uko umuganga yari amaze kwemeza ko ubuzima bwe butameze neza ku buryo yajyanwa mu cyumba cy’iburanisha.

Urubanza rwa Ntaganda wigeze kuba mu gisirikare cy’u Rwanda rwatangiye mu mwaka ushize. Yahoze ayoboye inyeshyamba za UPC (Union of Congolese Patriots) aza kumanika amaboko mu 2013 ari nabwo yahise ajyanwa i Hague mu Buholandi.

Ashinjwa ibyaha 13 by’intambara n’ibindi bitanu byibasiye inyokomuntu bishingiye ahanini ku bitero bibiri we n’abasirikare be bagabye ku baturage mu duce twa Ituri muri Repubulika Iharanira Demokarasi ya Congo.

Ibi birimo kandi ubwicanyi, gufata ku ngufu, gukoresha ubucakara bushingiye ku gitsina no gushora abana mu ntambara.

Bosco Ntaganda ubwo yari mu rukiko muri Nzeri 2015

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved