Bishop Rucyahana yahawe kuyobora Komisiyo y’Ubumwe n’Ubwiyunge muri manda ya kane

Yanditswe na Akayezu Jean de Dieu
Kuya 9 Kanama 2018 saa 05:30
Yasuwe :
0 0

Perezida wa Repubulika, Paul Kagame, yongeye kugirira icyizere Bishop John Rucyahana, amwongera manda y’imyaka itatu yo kuyobora Komisiyo y’Ubumwe n’Ubwiyunge.

Mu byemezo by’inama y’abaminisitiri yateranye ku wa Gatatu tariki ya 08 Kanama 2018, Perezida Kagame yashyize mu myanya abakomiseri muri Komisiyo y’Igihugu y’Ubumwe n’Ubwiyunge (NURC), bayobowe na Perezida wayo Bishop Rucyahana, wari usanzwe kuri uyu mwanya mu myaka igera ku munani ishize.

Mu bandi ba komiseri bashyizweho n’iyi nama y’abaminisitiri barimo abari basanzwe mu myanya yabo nka Visi Perezida Uwimana Xaverina, Padiri Consolateur Innocent, Bishop Gashagaza Déo, Dusabeyezu Thacienne, Rulinda Innocent na Umubyeyi M. Médiatrice.

Hari kandi n’abakomiseri bashya bashyizwe muri iyi komisiyo barimo; Ruvunabagabo Gerard na Mukabizoza Théopista.

Komisiyo y’Igihugu y’Ubumwe n’Ubwiyunge yashyizweho n’Itegeko Nshinga rya Repubulika y’u Rwanda ryo muri 1999, hagamijwe gushyigikira gahunda ya ‘Ndi Umunyarwanda’ no kubaka ubumwe n’ubwiyunge mu banyarwanda nyuma ya Jenoside yakorewe Abatutsi mu 1994.

Bishop Rucyahana yatangiye kuyobora Komisiyo y’Ubumwe n’Ubwiyunge muri Mata 2010 asimbuye Dr. Habyarimana Jean Baptiste, waje no kuba Umunyamabanga Nshingwabikorwa w’iyi komisiyo.

Bishop John Rucyahana yongeye kuba Perezida wa Komisiyo y’igihugu y’ubumwe n’ubwiyunge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza