Kwamamaza

Birababaje kubona abagore bakomeza kwirukanswa n’udutaro ku mutwe-Ruhamya

Yanditswe kuya 27-09-2016 saa 08:56' na Thamimu Hakizimana


Umuyobozi w’Ikigo cy’Igihugu gishinzwe kurengera ibidukikije, REMA, Collette Ruhamya, yasabye abanyamuryango ba FPR b’abagore kurwanya bivuye inyuma ubucuruzi bw’akajagari bukomeje gukorwa n’abagore mu bice by’Umujyi wa Kigali.

Ibi umuyobozi wa REMA yabisabye abanyamuryango ba FPR Inkotanyi mu Nteko rusange yabaye ku Cyumweru tariki ya 25 Nzeri 2016 mu Murenge wa Gisozi, mu Karere ka Gasabo.

Yagize ati “Ni ukuri birababaje ko aya mahirwe yose dufite tuzakomeza kubona abagore birukanka n’udutaro ku mutwe, mumbabarire tubigire imihigo ntituzongere kubona ababyeyi birukanka n’udutaro ku mutwe n’abana mu mugongo, twese tubigire umuhigo kandi tubigiremo uruhare.”

Yakomeje asaba abagore bifashije kugira umutima w’ubumuntu wo gufasha bagenzi babo batishoboye kugira ngo bose bave mu bukene biteze imbere.

Umuyobozi w’urugaga rw’abagore rushamikiye ku muryango FPR Inkotanyi mu Murenge wa Gisozi, Mukangarambe Espérance, yabwiye IGIHE ko biyemeje ko uyu mwaka wa 2016 uzarangira nta mugore uzaba ugicururiza mu muhanda muri aka gace.

Yagize ati “Twahize imihigo y’uko uyu mwaka uzarangira nta mugore ucururiza mu muhanda uzaba ukigaragara muri uyu murenge kuko turimo kubashakira ahantu hatandukanye ho gukorera nko mu Gakiriro n’ahitwa muri Kariyeri n’ahandi kugira ngo bave mu mihanda kuko natwe iyo tubonye birukanswa n’abashinzwe umutekano bitubabaza.”

Uwase ukora ubu bucuruzi mu Murenge wa Gisozi, yavuze ko yishimiye cyane uburyo bari gushakishirizwa ahantu ho gucururiza.

Yagize ati “ Byanshimishije cyane kuba natwe bari kudutekerezaho kuko nkanjye bizamfasha byinshi cyane nimbona ahantu ho gucurururiza kuko maze kurambirwa imigeri n’inshyi mpora nkubitwa n’abashinzwe kurwanya akajagari.”

Aba bagore bo mu Rugaga rushamikiye ku muryango FPR Inkotanyi mu Murenge wa Gisozi, muri iyi Nteko rusange yabahuje banishimiye ko mu kwishyura ubwisungane mu kwivuza bageze ku kigero cya 95% ndetse no kuba banabasha kwiteza imbere babinyujije mu makoperative atandukanye bibumbiyemo.

Iyi nama yahuje abagore batandukanye barimo n’abo mu nzego z’ubuyobozi bwa FPR kuva ku rwego rw’akagari,umurenge n’abandi.

Madamu Collette Ruhamya asaba abanyamuryango ba FPR Inkotanyi gufasha guca ubucuruzi bw'akajagari mu mujyi wa Kigali
Mukangarambe Espérance yavuze ko uyu mwaka uzarangira nta mugore ukigaragara acururiza mu muhanda muri Gisozi
Abagore bo muri FPR Inkotanyi muri Gisozi bishimiye iterambere bamaze kugeraho

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved