00:00:00 IGIHE NETWORK KN KINYARWANDA EN ENGLISH FR FRANCAIS

APR Women Volleyball Club yakoze impanuka, umumotari ahasiga ubuzima

Yanditswe na Ntabareshya Jean de Dieu
Kuya 9 Ugushyingo 2021 saa 04:59
Yasuwe :
0 0

Imodoka yari itwaye abakinnyi ba APR Volley ball Club y’abagore yakoze impanuka ikomeye yahitanye umumotari, abakinnyi umunani barakomereka.

Ni impanuka yabereye mu Karere ka Kicukiro mu Murenge wa Kigarama, kuri uyu wa Kabiri tariki ya 9 Ugushyingo 2021. Byabaye ubwo imodoka yari iri kugenda ifata abakinnyi ngo barekeze mu myitozo.

Amakuru IGIHE yamemye ni uko babiri mu bakinnyi umunani bari bamaze kugera mu modoka bakomeretse bikomeye mu gihe abandi bo bidakanganye n’ubwo bajyanywe ku bitaro kugira ngo bahabwe ubufasha.

Iyo modoka yakoze impanuka nyuma yo kugonga umumotari wahise hasiga ubuzima mu muhanda Rebero-Kicukiro naho yo igonga ipoto y’umuriro birangira itaye umuhanda igwa mu nzira iyobora amazi y’imvura.

Uwabonye iyi mpanuka iba yabwiye IGIHE ko bishobora kuba byatewe n’ubwoba ku ruhande rw’umumotari n’umushoferi, no kuba uwari utwaye imodoka yihutaga.

Umutoza w’Ikipe ya APR Women VolleyBall Club, Siborurema Florien, yabwiye IGIHE ko abakinnyi umunani ari bo bakomeretse ku buryo budakanganye.

Yagize ati “Mu muhanda haberamo byinshi ariko nta kibazo iyo habaye akabazo kagakurikiranwa kandi n’abo bakomeretse ntabwo bikanganye cyane. Icyo nabwira imiryango yabo nibahumure nta kibazo.”

Yavuze ko mu bakoze impanuka nta n’umwe wakomeretse ku buryo bwamuviramo ubumuga bwatuma atazakomeza gukina.

Ibi bibaye mu gihe APR WVC yari iri mu myiteguro y’imikino iteganyijwe hagati ya tariki 26-28 Igamije gushimira Abasora neza (Best Tax Payer) yateguwe n’ikigo cy’igihugu cy’Imisoro n’Amahoro.

Iyi modoka yaguye mu nkengero z'umuhanda imaze gukora impanuka
Hari hari abantu benshi batanga ubutabazi nyuma y'impanuka
Imana yakinze akaboko ntihagira umukinnyi n iumwe upfira muri iyi mpanuka
Iyi modoka yarenze umuhanda abakinnyi bari barimo barakomereka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .