Kwamamaza

Angelique Kantengwa wayoboraga RSSB yagizwe umwere

Yanditswe kuya 9-08-2016 saa 11:29' na Ezechiel Mbananabo


Kantengwa Angelique wahoze ayobora Ikigo cy’igihugu cy’ubwiteganyirize (RSSB), wari ukurikiranyweho ibyaha byo guhombya Leta yagizwe umwere.

Tariki ya 15Nyakanga 2016 nibwo yagizwe umwere n’ Urukiko Rwisumbuye rwa Nyarugenge ku byaha byose yari akurikiranyweho.

Kantengwa yari akurikiranyweho ibyaha birimo gukoresha nabi umutungo ufitiye rubanda inyungu,gutangira ubuntu umutungo w’ikigo gishamikiye kuri Leta yayoboraga, gutonesha ndetse no gutanga amasoko ya Leta mu buryo butemewe n’amategeko.

Umuvugizi w’Ubushinjacyaha bw’u Rwanda, Nkusi Faustin yabwiye IGIHE ko bagisuzuma imyanzuro y’Urukiko bareba impamvu zashingiweho agirwa umwere mbere y’uko bajurira icyo cyemezo.

Yagize ati “Icyemezo cy’urukiko cyakirwa uko kimeze kandi kirubahwa, icyangombwa ni uko impande zombi ziba zahawe umwanya wo kwisobanura kandi byarabaye.Turacyasuzuma imyanzuro y’urukiko cyane ko tugifite iminsi 30 yo kujurira.”

Muri Werurwe 2015, Urukiko Rwisumbuye rwa Nyarugenge rwarekuye Kantengwa by’abagetaganyo,aho rwavugaga ko arembye cyane akaba yari akeneye kujya kwivuza.

Kuva icyo gihe nta yandi makuru yongeye kumenywa n’ itangazamakuru ajyanye n’aho urubanza rwe rugeze, ndetse byabaye nk’ibitungarana kumenya ko yagizwe umwere hashize hafi ukwezi.

Nkusi Faustin yahamirije IGIHE ko urubanza rwagiye ruba kugera no mu iburanisha mu mizi uregwa ahari, ngo ni uko abanyamakuru batabimenye.

Umutungo wa Leta Kantengwa yashinjwaga gutanga ku buntu, urimo amadorali ibihumbi 30.000, angana na miliyoni zirenga 26 z’amafaranga y’u Rwanda,ubushinjacyaha bwavugaga ko yahaye rwiyemezamirimo ku gishushanyo mbonera cy’ikigo yari abereye umuyobozi.

Yatawe muri yombi muri Nzeli 2014, muri uko kwezi agezwa imbere y’urukiko atangira no kuburanishwa.

Kantengwa Angelique wahoze ayobora Ikigo cy’igihugu cy’ubwiteganyirize (RSSB)

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved