Amerika:Uwishe arashe abagore bane ari guhigwa bukware

Yanditswe na Kanamugire Emmanuel
Kuya 24 Nzeri 2016 saa 05:18
Yasuwe : XX
118 67

Polisi ya Washington muri Leta Zunze Ubumwe za Amerika yatangiye guhiga bukware, umugabo wishwe arashe abagore bane mu iguriro riherereye Burlington nyuma akaza gutoroka.

Ku wa Gatanu nijoro nibwo abagore batanu bapfuye nyuma yo kurasirwa muri Cascade Mall, undi mugabo umwe arakomereka bikomeye.

Polisi yatangaje ko umuntu umwe ari we ushobora kuba yihishe inyuma y’iki gikorwa ndetse ubu iri kumuhiga.

Umuvugizi wa polisi ya Washington, Rick Johnson yabwiye CNN ko bari gushakisha muri iyi nyubako no hafi yayo ngo barebe ko bamubona.

Ubuyobozi kandi bwanashyize ahagaragara ifoto y’uwo bakeka ko ari we warashe.

Brandi Montreuil, umwe mu batangabuhamya wareberaga film muri iyi nyubako ubwo ibi byabaga yavuze ko umukozi uhakora yaje akabasaba gusohoka avuga ko ari itegeko ahawe.

Kubera ko atari ababwiye impamvu abasaba gusohoka babanje kubigira urwenya, ariko ahita abibutsa igitero cyagabwe ahareberwaga film muri Colorado mu 2012 kigahitana abantu 12.

Montreuil yakomeje avuga ko nyuma yo kugera hanze bahasanze imodoka za polisi, yahise ibasaba kugenda bakava hafi y’iyo nyubako.

Polisi kandi yahise isaba abantu kudasohoka mu nzu zabo n’abari bafite imodoka hafi y’iyo nyubako basabwa kuziharekera, bakazagaruka kuzireba umunsi ukurikiyeho.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE