Ambasaderi w’u Buholandi mu Rwanda yasezeye kuri Minisitiri w’Intebe (Amafoto)

Yanditswe na HABIMANA James
Kuya 28 Kamena 2019 saa 06:39
Yasuwe :
0 0

Amabasaderi w’u Buholandi mu Rwanda, Frédérique Maria De Man, yasezeye kuri Minisitiri w’Intebe, Dr Edouard Ngirente, ashima ubufatanye bwaranze imirimo ye mu myaka ine yari amaze mu Rwanda.

Mu 2015 nibwo Ambasaderi Frédérique Maria De Man yatangiye inshingano zo guhagararira u Buholandi mu Rwanda, asimbuye Leoni Cuelenaere.

Nyuma yo kugirana ibiganiro na Minisitiri w’Intebe, Ambasaderi Frédérique Maria De Man yavuze ko ashimishije n’intambwe y’ubufatanye ikomeje kuranga u Buholandi n’u Rwanda mu nzego zitandukanye zirimo ubuhinzi, ubutabera n’ibindi.

By’umwihariko yavuze ko mu myaka ine amaze mu Rwanda imibanire hagati y’ibihugu byombi yarushijeho kuba myiza, avuga ko uzamusimbura na we azakomeza kunoza ubu butwererane.

Yagize ati “Twageze kuri byinshi ariko ndatekereza ko bizakomeza kuba byiza, uzansimbura na we azakomeza kunoza iyo mibanire, ikintu gikomeye nabonye mu myaka ine maze mu Rwanda ni uko iki ari igihugu kidasanzwe, ni igihugu gifite icyerekezo kandi gifite aho gishaka kugana, icyo nicyo ubona gitandukaniyeho n’ibindi bihugu.”

Yavuze kandi ko u Buholandi bwafatanyije n’u Rwanda mu nzego zitandukanye zirimo nk’ubuhinzi bw’indabo.

Yakomeje agira ati “Abanyarwanda kandi barabizi ko twafatanyije cyane mu bijyanye n’ubutabera, mu bikorwa remezo no kubaka ubushobozi bw’abakozi, mu gihe nzaba nsubiyeho kandi nzavugana n’abashoramari mbereke gahunda y’ubuhinzi bw’indabo ziri mu Rwanda.”

Uyu muyobozi yagaragaje ko n’ubusanzwe u Buholandi busanzwe bufite ishoramari rikomeye mu Rwanda nka Heineken, Africa Improved Foods n’ibindi.

Ambasaderi Frédérique Maria De Man, azava mu Rwanda mu mpera za Nyakanga uyu mwaka, asimburwe muri Nzeri 2019.

Minisitiri w'Intebe Dr Ngirente yasezeye kuri Ambasaderi w'u Buholandi mu Rwanda uzasimburwa muri Nzeri
U Buholandi bwafatanyije n’u Rwanda mu nzego zitandukanye zirimo nk’ubuhinzi bw’indabo
Amabasaderi Frédérique Maria De Man, yasezeye kuri Minisitiri w’Intebe ashima ubufatanye bwaranze imirimo ye mu myaka ine yari amaze mu Rwanda
Ambasaderi Frédérique Maria De Man yavuze ko ashimishije n’intambwe y’ubufatanye ikomeje kuranga u Buholandi n’u Rwanda

Amafoto: Primature


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza