Kwamamaza

Ambasaderi Kazuya yashimiwe inkunga u Buyapani bwateye u Rwanda

Yanditswe kuya 29-04-2015 saa 22:23' na Deus Ntakirutimana


Ubwo yasezeraga kuri Minisitiri w’Intebe Anastase Murekezi, Ambasaderi Ogawa Kazuya wari uhagarariye u Buyapani mu Rwanda yashimiwe ibikorwa bitandukanye igihugu cye cyateyemo inkunga u Rwanda mu bihe bitandukanye kuva ibihugu byombi byatangira gutsura umubano.

Kazuya yasezeye ku Rwanda kuri uyu wa gatatu tariki ya 29 Mata 2015 mu biro bya Minisitiri w’Intebe Anastase Murekezi.

Stella Ford Mugabo, Minisitiri mu biro bya Minisitiri w’Intebe ushinzwe ibyemezo by’inama y’Abaminisitiri yavuze ko Ambasaderi Kazuya yashimiwe uruhare yagize mu mishinga yagezweho mu myaka ibiri amaze mu Rwanda by’umwihariko ivugururwa ry’ikiraro na Gasutamo ya Rusumo ku mupaka w’u Rwanda na Tanzania, ibi bikorwa byoroheje ubucuruzi hagati y’ibihugu byombi.

Ambasaderi Kazuya yashimye ubufatanye bwaranze ibihugu byombi mu byiciro bitandukanye birimo ishoramari n’ubukungu.

Ati “Turishimira ibikorwa byinshi twagezeho, birahari, twaguye ubukungu bw’ibi bihugu, si ibyo gusa hari n’Abayapani bashoye imari mu Rwanda.”

Kazuya yahamagariwe imirimo yari asanzwemo agiye gukomereza mu gihugu cya Bosnie-Herzegovina, ahagararirayo inyungu z’u Buyapani nka Amabasaderi.

U Buyapani bufasha u Rwanda mu bikorwa bitandukanye birimo kubaka ingomero z’amashanyarazi, gusana imiyoboro iyatanga n’ibindi.

Iki gihugu kandi gitanga inkunga inyuze mu kigo cy’Abayapani gishinzwe ubutwererane mpuzamahanga (JICA).

Muri Kanama 2014, u Buyapani bwahaye u Rwanda inkunga y’amafaranga y’u Rwanda asaga miliyari n’igice (1,549,000,000 Frw) mu rwego rwo guteza imbere ubuhinzi hifashishijwe gahunda yo kuhira imyaka.

[email protected]
Twitter: @NtakirutaDeus


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Saturday 6 August 2016
Copyright © 2009 -2014 - IGIHE Ltd - All Rights Reserved