00:00:00 IGIHE NETWORK KN KINYARWANDA EN ENGLISH FR FRANCAIS

Amayeri yakoreshejwe n’abafana ba APR FC na Rayon Sports bahimba ko bipimishije Covid-19

Yanditswe na Thamimu Hakizimana
Kuya 25 Ugushyingo 2021 saa 08:24
Yasuwe :
0 0

Polisi y’u Rwanda yeretse itangazamakuru abafana 15 yafashe bitabiriye umukino wahuje APR FC na Rayon Sports, bahimbye ibyangombwa bigaragaza ko bipimishije Covid-19 mu gihe batigeze bipimisha.

Aba bafana bavuze ko hari abantu nubwo birinze kubatangaza amazina, bahaye amafaranga baboherereza ubutumwa bigaragara ko bwoherejwe n’Ikigo cy’Igihugu gishinzwe Ubuzima (RBC).

Umufana wa APR FC wafashwe, yavuze ko hari umuntu yahaye amafaranga 1000 amwohoherereza ubutumwa bugufi bugaragaza ko yipimishije Covid-19.

Yagize ati “Njye ndi umumotari nari ntwaye umugenzi ku Kicukiro ngeze mu Kagarama mfata umufana wa APR FC arambwira ngo ko uri umuvandimwe wacu kandi tukaba tugiye kuri stade, tugende nitugera i Gikondo ndakwereka umuntu ayikoherereza [message] nawe tujyane twinjire.”

Yongeyeho ko nyuma yo kugera kuri uwo musore yabanje kumuca 5000 Frw undi arayamwima, maze amusaba 1000 Frw yo kugura inzoga, nawe amwoherereza ubutumwa bugaragaza ko yipimishije Covid-19.

Undi mukunzi wa APR FC yavuze ko atari azi ko ari amakosa guhererekanya ubutumwa bw’uko umuntu yipimishije kuko n’ubundi yari yaripimishije.

Ati “Hari ikibazo cyambayeho ku butumwa nari mfite bugaragaza ko nari nipimishije, ubundi nagiye kwipimisha ngeze kuri stade ibintu byanjye byose barabitwara noneho kuko nari mfite telefoni ebyiri undi muntu twahuriye kuri Stade uretse ko ntamuzi arambwira ngo ko abantu bose bari kubohererza message reka nyikoherereze winjire.”

Umuvugizi wa Polisi, CP John Bosco Kabera, yasabye abanyarwanda kwirinda gukoresha impapuro mpimbano kuko bihanwa n’amategeko.

Ati “Ntabwo bariya bantu bazabona urwitwazo urwo ari rwo rwose kubera ko ibyo bakoze ari ibyaha, bazi ko batipimishije Covid-19 ugafata message ukavuga ngo reka njye kuyerekana. Birumvikana ko ari umugambi uba waracuze.”

Gukoresha inyandiko mpimbano ni icyaha gihanishwa igifungo cy’imyaka itanu ariko itarenze imyaka irindwi n’ihazabu y’amafaranga atari munsi ya miliyoni eshatu.

Aba bafana bahererezanyije ubutumwa bugufi bugaragaza ko bapimwe Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .