Kwamamaza

Amajyepfo: Batatu barimo umuyobozi w’ishuri bafunzwe bakekwaho kwiba mudasobwa

Yanditswe kuya 21-10-2016 saa 07:15' na IGIHE


Abagabo batatu bafungiwe mu Turere twa Gisagara na Nyanza bakurikiranyweho kwiba mudasobwa ngendanwa 46.

Abafashwe barimo Umuyobozi wa Groupe Scolaire Gatagara mu Karere ka Nyanza, aho mudasobwa 35 zo muri gahunda ya One Laptop per Child zaburiwe irengero.

Umuvugizi wa Polisi mu Ntara y’Amajyepfo, CIP André Hakizimana, atangaza ko gufatwa k’uyu muyobozi bifitanye isano n’ibura rya mudasobwa nibura 548 zaburiwe irengero mu bigo by’amashuri 53 mu Ntara y’Amajyepfo nyuma y’igenzura ryakozwe n’Ikigo cy’Igihugu gishinzwe uburezi REB.

Iri genzura ryagaragaje ko hanabuze bimwe mu bice bya mudasobwa birimo utwuma babikaho ibyakozwe (memory cards) 1498, batiri zazo 173 , utwo bakoresha bashyiramo umuriro (chargers) 56.

CIP Hakizimana yagize ati “Iyi ni intangiro y’iperereza ; tuzakomereza mu bindi bigo zabuzemo kugira ngo ababifitemo uruhare bose babiryozwe kandi zigaruke.”

Avuga ku bya G.S Gatagara, CIP Hakizimana yagize ati “Afungiye kuri sitasiyo ya Polisi ya Busasamana, niwe ukekwa kuko iperereza rigaragaza uruhare rwe.”

Hagati aho, mu Karere ka Gisagara naho hafashwe mudasobwa 10 muri 11 zari zibwe muri Kansi Secondary School muri mpera z’icyumweru gishize, nk’uko iperereza ryerekanye.

Abantu babiri barimo umunyeshuri wiga mu mwaka wa gatanu kuri icyo kigo ufite imyaka 24, n’umuzamu wacyo w’imyaka 35; ubu nabo barafunze.

Aba bombi , bikekwa ko mu ijoro ryo ku wa 16 Ukwakira bamennye aho ziba maze bazitwara zose.

CIP Hakizimana agira ati “Bwarakeye ishuri ritanga ikirego kuri Polisi , uwaketswe wa mbere ni umuzamu, ari nawe wari waharaye, uyu yahise afatwa.”

Yagize kandi ati “Nyuma gato, habaye inama n’ababyeyi ndetse n’abatuye muri aka gace ngo batange amakuru kuri izi mudasobwa kuko zifitiye akamaro abana babo. Nyuma gato y’inama, umukecuru w’imyaka 81 yahamagaye umuhungu we w’umukuru w’umudugudu, amubwira ko hari hari umunyeshuri wabitse ibintu mu nzu ye; baje kureba basanga ni za mudasobwa zabuze aribwo uwo musore yatawe muri yombi n’umufuka yari yazibiyemo.”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved