Alain Mukurarinda yasobanuye impamvu yasabye Leta guhagarika akazi k’ubushinjacyaha

Yanditswe na Richard Dan Iraguha
Kuya 6 Ugushyingo 2015 saa 08:21
Yasuwe :
0 0

Umushinjacyaha akaba n’umuvugizi w’ubushinjacyaha ku rwego rw’igihugu, Alain Mukurarinda, yandikiye Leta ayisaba guhagarika akazi asanzwe akora kugeza igihe kitazwi.

Mu kiganiro kihariye na IGIHE, Alain Mukurarinda yavuze ko yasabye guhagarika akazi mu gihe kitazwi kugirango ajye kwita ku muryango we uba mu Buholandi.

Yagize ati “ Ayo amakuru niyo, ni impamvu zanjye bwite zirebana n’umuryango wanjye ngomba gusanga aho uri mu Buholandi, ariko ni ugutegereza abo nandikiye bakampa uruhushya bakampa uburenganzira nkuko amategeko abiteganya.”

Akomeza avuga ko hakiri kare kuvuga igihe yagarukira mu kazi, icyakora ngo guhagarika akazi ubisabye kuriya iyo ugarutse hari umwanya bakagusubizamo, bitandukanye no kugasezeramo.

Mukurarinda yageze mu kazi k’ubushinjacyaha mu mwaka wa 2002 akorera mu bushinjacyaha bw’urukiko rw’ubujurire i Kigali, muri 2004 habayeho ivugururwa ry’ubutabera akomereza mu rukiko rwa Nyamirambo, Gasabo na Rwamagana.

Muri 2008 yagarutse i Kigali nyuma y’imyaka ibiri aba umushinjacyaha ku rwego rw’igihugu ariko kazi yafatanyaga no kuba umuvugizi w’ubushinjacyaha.

Mukuralinda ni umwe mu bari bagize itsinda ry’abashinjacyaha bashinjaga Ingabire Victoire mu rukiko rukuru rwa Kigali.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza