Kwamamaza

Akarere ka Nyarugenge mu nzira zo gusubiza abasabiriza uturere bakomokamo

Yanditswe kuya 9-11-2016 saa 17:14' na Thamimu Hakizimana


Iyo utembereye mu bice by’Umujyi wa Kigali ntushobora gutera intambwe 20 utarahura n’abantu basabiriza barimo abitwaje abana cyangwa abafite ubumuga butandukanye.

Kuba hari abantu benshi basigaye baragize ingeso yo gusabiriza nk’inzira yo gushakisha indonke ni bimwe mu byatumye ubuyobozi bw’Akarere ka Nyarugenge bufata ingamba zikomeye zo guhangana n’iki kibazo.

Kuri uyu wa Mbere tariki ya 8 Ugushyingo 2016, ni bwo ubuyobozi bw’Akarere ka Nyarugenge bwahurije hamwe abagore 27 batunzwe no gusabiriza buganira na bo kugira ngo bumenye ibibazo byabo.

Bamwe mu basabiriza bagaragarije ubuyobozi ko imibereho mibi ari yo ituma bahitamo gusabiriza kugira ngo abana babo baticwa n’inzara.

Umuyobozi w’Akarere ka Nyarugenge ushinzwe imibereho myiza y’abaturage, Ndayisenga Jean Marie Vianney yabwiye IGIHE ko bahurije hamwe aba baturage basabiriza kugira ngo babavane mu muhanda.

Yagize ati “ Twahisemo kubahuriza hamwe kugira ngo tubavane mu muhanda bitewe n’uko ikibazo cyo gusabiriza kimaze gufata indi ntera mu gihe n’ababikora usanga abenshi muri bo baturuka mu tundi Turere turimo Bugesera, Nyanza na Huye.”

Yakomeje avuga ko bagiye kubashakira amafaranga y’urugendo abasubiza mu Turere bavukamo banabakorere imishinga ishobora kubateza imbere kugira ngo bacike kuri iyi ngeso.

Yagize ati “ Turabashakira amafaranga y’urugendo tuzajye kubategera twaganiriye n’Uturere bavuyemo kugira ngo tujye kubakira ariko tuzabikora twabanje kubakorera imishinga ishoborakubafasha kuko dufite umuterankunga watwemereye kubafasha.”

Gusa n’ubwo ubuyobozi bwaganiriye n’abantu 27 basabiriza, buvuga ko uyu mubare uri hasi cyane ugereranije n’abagaragara muri aka Karere.

Ingingo ya 690 y’itegeko ngenga rishyiraho igitabo cy’amategeko ahana, iteganya igihano ku cyaha cyo gusabiriza ivuga ko “Umuntu wese ukora icyaha cy’ubusabirizi ahanishwa igifungo kuva ku minsi umunani ariko kitageze ku mezi atandatu.”

Ubuyobozi buri kumva ibibazo by'abasabiriza
Bamwe mu baturage bagiranye ibiganiro n'ubuyobozi bw'akarere ka Nyarugenge

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved