Kwamamaza

Akarere ka Kicukiro kahembye ingo z’icyitegererezo mu isuku

Yanditswe kuya 18-10-2016 saa 10:33' na Thamimu Hakizimana


Ubuyobozi bw’Akarere ka Kicukiro bwahembye ingo 41 z’abaturage bahize abandi mu guharanira kugira isuku mu ngo zabo ndetse n’aho bakorera.

Iki gikorwa cyabaye mu mpera z’icyumweru gishize, kiri muri gahunda y’Umujyi wa Kigali no mu gihugu hose mu rwego bw’ubukangurambaga bw’isuku. Buri rugo mu zatoranyijwe zitwaye neza rwahawe ikidomoro cy’amazi kijyamo litiro 100.

Umuyobozi wungirije w’Akarere ka Kicukiro ushinzwe Iterambere ry’Abaturage, Baingana Emmanuel yabwiye IGIHE ko izo ngo 41 zahembwe ari izitwaye neza kurusha izindi mu kugira isuku.

Yagize ati “ Ibi byashyizweho mu rwego rwo gukangurira abaturage kurangwa n’isuku aho bakorera n’aho batuye ndetse no mu ngo zabo kuko bigaragara ko hari abatabyitaho aho usanga abaturage bimenera ibishingwe aho babonye cyangwa se ntibanakorane n’amakompanyi adufasha mu gukura umwanda mu ngo.”

Yakomeje avuga ko mu Karere ka Kicukiro hakigaragara abaturage badafite ubwiherero ndetse hari n’ababufite ariko butujuje ubuziranenge.

Yagize ati “ Hari n’abaturage badafite ubwiherero hakaba n’ababufite ariko butujuje ubuziranenge kuko hari abacukura akantu k’akobo bakakita ubwiherero.”

Mukarugema Athanasie w’imyaka 71 wahembwe ikidomoro yavuze ko yishimye cyane kuko nta hantu yari afite ho kubika amazi.

Yagize ati “ Ndishimye cyane kubera iki gihembo nahawe, kigaragaza isuku indanga, inaranga iwanjye n’ahahakikije hose, ikindi kandi kizamfasha gukomeza kugira umurava wo kurangwa n’isuku buri gihe.”

Uretse izo ngo 41 zahembwe ibidomoro, amakompanyi 10 yahize andi akorera mu mirenge igize Akarere ka Kicukiro buri yose yahembwe ibihumbi 100 by’amafaranga y’u Rwanda.

Umwe mu baturage bahize abandi ahabwa ikidomoro cyo kubikamo amazi
Abayobozi mu muhango wo gutanga ibihembo
Mukarugema Athanasie w'imyaka 71 yahembwe mu bahize abandi mu kugira isuku iwe mu rugo
Ikompanyi zikora isuku zahize izindi zahembwe amafaranga ibihumbi ijana
Uyu muhango witabiriwe n'abaturage benshi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved