Aho bitagenda neza, abayobozi bareba inyungu zabo ntibarebe iza rusange- Kagame

Yanditswe na Philbert Girinema
Kuya 9 Nzeri 2016 saa 01:50
Yasuwe :
0 0

Perezida Kagame yabwiye abayobozi ko nta gisobanuro gifatika gihari cyatanga impamvu hari aho usanga ibyiyemejwe bitagerwaho, ashimangira ko abona biba byatewe n’abayobozi baharanira inyungu zabo bwite bakirengagiza iza rusange.

Ubwo yagezaga impanuro ku bayobozi batandukanye nyuma yo gusinya imihigo y’umwaka wa 2016/2017, Perezida Kagame yavuze ko hari ikibazo gikomeye cy’aho usanga inzego zidasenyera umugozi umwe.

Ati “ Hari ikintu kigenda kigaruka cy’imikorere mibi yo kudakorana hagati yanyu, […] iyo ugiye kureba ntabwo ari ikibazo cy’uko minisiteri runaka itakoranye n’izindi ahubwo usanga no muri izo minisiteri ufashe imwe, yakorana ite n’indi no muri yo abayirimo badakorana? Birumvikana ko iyo minisiteri itazakorana n’izindi kuko ikibazo cy’imikoranire kiyirimo.”

Yagarutse kandi ku mihigo idashyirwa mu bikorwa mu gihe abandi baba bakoze inshingano zabo avuga ko biterwa n’abayobozi baharanira inyungu zabo bwite.

Ati “ Igisobanuro cyonyine nakumva ni ukuvuga ngo aho bitagenda neza, abayobozi bareba inyungu zabo gusa, ntibarebe iza rusange, iz’abo bayobozi, iz’igihugu kandi nibyo dushinzwe twese.”

Mu mpanuro ze yavuze ko abayobozi bakoze bishyira mu mwanya w’abo bayobora, ibintu byahinduka. Ati “Jya ugeraho wibaze uti iyo nza kuba ndi umuturage usanzwe hariya mu cyaro, icyo nifuza cyangeraho gute?”

Perezida Kagame yavuze ko aho ibintu bitagenda neza biba byigaragaza biboneshwa amaso ku buryo ashobora gufata imodoka akagenda aho ageze agahagarara agatanga amanota.

Abayobozi b'uturere dutatu twa mbere, Rwamulangwa Stephen wa Gasabo(iburyo), Mudaheranwa Juvenal wa Gicumbi na Muzuka Kayiranga Eugene wa Huye hamwe na Perezida Kagame
Perezida Kagame aganira n'Abayobozi b'Uturere n'ab'izindi nzego zitandukanye
Perezida Kagame yabwiye abayobozi ko nta gisobanuro gifatika gihari cyatanga impamvu hari aho usanga ibyiyemejwe bitagerwaho
Perezida Kagame yabwiye abayobozi ko nta gisobanuro gifatika gihari cyatanga impamvu hari aho usanga ibyiyemejwe bitagerwaho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244