Afurika y’Epfo: Perezida Jacob Zuma yasabwe kwegura

Yanditswe na Philbert Girinema
Kuya 24 Ukwakira 2016 saa 08:59
Yasuwe :
0 0

Umudepite uhagarariye abaturuka mu ishyaka rya ANC bari mu Nteko Ishinga Amategeko ya Afurika y’Epfo yasabye Perezida Jacob Zuma n’abandi bose babarizwa muri iri ishyaka bari mu myanya y’ubuyobozi kwegura.

Jackson Mthembu yavuze ko guverinoma iriho ubu ari mbi kurusha iyariho mu gihe hariho politiki y’ivangura (Apartheid).

Uyu mudepite ahamya ko ibikomeje gushinjwa Minisitiri w’Imari, Pravin Gordhan birimo ruswa byihishwe inyuma n’impamvu za politiki.

Ati “Perezida Jacob Zuma ni Perezida wa ANC. Niba mvuze ko ubuyobozi bwa ANC bwose bugomba kuvaho, ndavuga buri wese, nanjye ndimo na Perezida Zuma arimo.”

BBC dukesha iyi nkuru ivuga ko impamvu Mthembu yagereranyije guverinoma iyobowe na ANC na Apartheid ari uko byose byitwaje ububasha bwa politiki mu kubangamira abaturage.

Ati “Birashoboka ko atari twe buyobozi bufite ubushobozi bwo guteza imbere ANC mu bihe nk’ibi.”

Kuva yajya ku butegetsi mu mpera za 2015, Minisitiri Gordhan yakoze ibishoboka agendera kure abacuruzi bakomeye bafitanye umubano na Perezida Zuma.

Kuri ubu ariko Gordhan arashinjwa kuba ubwo yari ashinzwe gukusanya imisoro hari amafaranga yishyuwe mu buryo budasobanutse ubwo abayobozi babiri bakuru mu kigo yari ayoboye birukanwaga.

Ishyaka rya ANC (African National Congress) niryo ryahiritse ubutegetsi bwa Apartheid mu 1994 ndetse kuva icyo gihe rirayoboye.
Mu mezi ashize ariko ryakomeje kugaragaramo ibibazo kugeza ubwo mu matora aherutse y’ubuyobozi bw’inzego z’ibanze ryatakaje imyanya myinshi.

Mu byatumye abaturage badashyigikira ANC harimo ubwiyongere bw’ubushomeri no kuba Zuma yarakoresheje amafaranga ya leta mu gusana inzu ye iri ahitwa Nkandla.

Perezida Zuma akomeje kotswa igitutu n'abatishimiye imiyoborere ye
Umudepite uhagarariye abaturuka mu ishyaka rya ANC bari mu Nteko Ishinga Amategeko ya Afurika y’Epfo,Jackson Mthembu

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244