ACP Badege yasabye abaganga kuganiriza abarwayi kwirinda ingengabitekerezo ya Jenoside

Yanditswe na Tombola Felicie
Kuya 21 Mata 2017 saa 11:39
Yasuwe :
0 0

Umuvugizi wa Polisi y’u Rwanda, ACP Theos Badege , yasabye abaganga ko bishobotse mu kazi kabo ko kuvura bajya banaganiriza abarwayi ko ingengabitekerezo ya Jenoside nayo yica nabi bakayirinda.

Icyo cyifuzo yakigaragarije mu kiganiro ku ngengabitekerezo ya jenoside yatanze kuri uyu wa Kane, tariki ya 20 Mata 2017, ubwo Minisiteri y’Ubuzima n’ibigo biyishamikiyeho bibukaga ku nshuro ya 23 Jenoside yakorewe Abatutsi.

ACP Badege yagarutse ku bukana Jenoside yakorewe Abatutsi yari ifite igahitana abarenga miliyoni mu minsi 100 gusa, yerekana ko kurwanya icyatuma isubira ari ibyo kwitaho kuko nta n’icyorezo azi cyahitanye abantu ibihumbi 10 ku munsi.

Yagize ati “Sinzi niba mu mibare yanyu hari aho muzi habaye icyorezo kibi, habonetse ku munsi indwara yica abantu ibihumbi icumi, hari aho muzi ra? Simbizi. Ntabwo nzi niba abaganga twabishyira mu mihigo, mbere y’uko wakira umuntu ugiye kumushyiramo igipimo ukamubwira uti ariko uzirinde n’ingengabitekerezo ya Jenoside kuko nayo ni mbi kurusha marariya.”

Yavuze ko ahari na Ebola itatwaye abantu bangana batyo umunsi umwe nyamara ingengabitekerezo ya Jenoside yarabikoze.

Ati “Wenda uwabaza Liberia niba Ebola ari ko byari bimeze, ingengabitekerezo ya Jenoside ni mbi cyane.”

Yashimangiye ko bitewe n’uko abanga baba baragize uruhare ngo umuntu avuke haba mu kubyaza cyangwa ubundi buvuzi badakwiye kurebera ngo abafite ingengabitekerezo bice umuntu.

Ati “ Mu buzima bwanjye ndahamya ko mu buzima bw’umuntu uriho ugenda haba harimo uruhare rw’umuganga , uwishe abagiriye nabi n’umuganga wakuvuye.”

Yakomeje avuga ko nka Polisi badashimishwa n’abanyabyaha ko ahubwo bifuza ko abakora ibyaha bagabanuka .

Ati “ Abanyabyaha ntabwo ari abakiriya bacu, kimwe n’uko nawe mwashimishwa n’uko abantu baryama mu nzitiramibu aho kuza kwa muganga ari benshi ngo abaganga babe backeya.”

Uko Abatutsi bicwaga buri munota…

Ibarura ryakozwe na Minisiteri y’Ubutegetsi bw’Igihugu mu 2000 rikamara imyaka ibiri (2000-2002), ryagaraje ko Abatutsi 1.074.017 bishwe mu gihe cy’iminsi ijana kuva muri Mata 1994.

Iyo hakozwe isesengura ry’iyi mibare, bigaragaza ko buri munsi 10.074; naho buri 1074.

Aho rero niho ACP Badege yashingiye agaragaza ko kuba abantu barumvaga ko bishe inzoka byatumye hapfa abantu basaga ibihumbi 10 ku munsi kandi ibyo byose akaba ari ingengabitekerezo ya Jenoside yabibyaye.

Minisiteri y’Ubuzima imaze kumenya abantu 37 bari abakozi bayo bahitanywe na Jenoside. Hagawe abari abaganga bishoye mu bikorwa byo kwambura abantu ubuzima kandi bari bashinzwe kuburamira.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244