00:00:00 IGIHE NETWORK KN KINYARWANDA EN ENGLISH FR FRANCAIS

Aburije ibiciro by’amata ya Inyange i Kigali baciwe amande ya miliyoni 19 Frw

Yanditswe na Muhonzire Sylvine
Kuya 2 Ugushyingo 2021 saa 05:37
Yasuwe :
0 0

Nyuma y’amezi hafi abiri benshi bivovotera ubwiyongere bw’ibiciro by’amata y’uruganda rwa Inyange, hatangijwe igenzura mu bacuruzi baranguza aya mata, hagamijwe kureba aburije ibiciro, maze ku ikubitiro hafatwa abacuruzi icyenda bakorera mu mujyi wa Kigali.

Iri genzura ryatangiye ku itariki ya 1 Ugushyingo 2021, riri gukorwa na Minisiteri y’Ubucuruzi n’inganda, MINICOM ifatanyije na Minisiteri y’Ubuhinzi n’Ubworozi, MINAGRI ndetse n’ Ubuyobozi bw’Ikigo cy’Igihugu gishinzwe Ubugenzuzi bw’Ubuziranenge, Ihiganwa mu bucuruzi no kurengera Umuguzi, RICA.

Umuyobozi Ushinzwe Ibikorwa by’Ubucuruzi muri MINICOM, Karangwa Cassien, yabwiye IGIHE ko igikorwa cyo gufata abacuruzi burije ibiciro cyatangiriye mu mujyi wa Kigali ndetse ko kizakomeza no mu bindi bice by’igihugu.

Ati “Iri genzura ryatangiye ejo ariko no mu kwezi gushize ryarakozwe dukangurira abacuruzi kutitwaza igabanuka ry’amata ngo burize ibiciro, ariko ntabwo bigeze babihagarika, niyo mpamvu twongeye gukora igenzura uwo dufashe tukamuhana.”

Karangwa yavuze ko kugeza mu masaha ya saa sita yo kuri uyu wa 2 Ugushyingo 2021, mu Karere ka Gasabo hari hamaze gufatwa abacuruzi bane, Nyarugenge batatu naho mu Karere ka Kicukiro hamaze gufatwa babiri, bose bakaba baciwe amande ya miliyoni 19.5 Frw.

Mu ntangiriro za Nzeri nibwo hagaragaye ibura ry’amata bivugwa ko ryatewe n’impeshyi yamaze igihe kirekire, bituma ibiciro byayo byiyongera hirya no hino mu gihugu harimo n’iby’amata y’uruganda rw’Inyange, aho ikarito y’amata ya litiro 500 hari aho yagurishwaga 9000 Frw cyangwa akarenga.

Mu mpera z’Ukwakira uru ruganda rwamenyesheje abaturage ko nubwo amata yagabanutse, rutigeze rwongera ibiciro, rutangaza ko agakarito k’amata afunze muri mililitiro 500, akomeza kugura 5000 Frw, naho ikarito irimo amata ya litiro ikagura 10.000 Frw, maze ahacururizwa amata y’amasukano y’uru ruganda akagura 430 Frw kuri litiro.

Abacuruzi bakomeje gutumbagiza ibiciro kugeza ubwo MINAGRI, MINICOM na RICA bafashe umwanzuro wo gukora igenzura mu baranguza aya mata, kugira ngo bahane abongeje ibiciro.

Hashize iminsi amata y'Inyange ibiciro byarongerewe mu bacuruzi bamwe na bamwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .