Abikorera bari mu gahinda ko kubura mugenzi wabo Bertin Makuza

Yanditswe na Philbert Girinema
Kuya 4 Ugushyingo 2016 saa 11:42
Yasuwe :
0 0

Urugaga rw’Abikorera mu Rwanda, PSF, ruri mu gahinda gakomeye ko kubura umwe mu banyamuryango barwo b’imena, Makuza Bertin, witabye Imana ku myaka 73 azize indwara y’umwijima mu ijoro rishyira kuwa Kane tariki 3 Ugushyingo 2016.

Makuza yaguye mu bitaro byitiriwe umwami Faisal nyuma y’aho afashwe bitunguranye.

Umuhungu wa nyakwigendera, Claude Makuza, yatangaje ko kuwa Gatatu [tariki 2 Ugushyingi 20 1 6] yari yabyutse ameze neza nk’ibisanzwe hanyuma ajya ku kazi gusa yaje kumva atameze neza ajyanwa ku bitaro by’Umwami Faisal.

Claude yabwiye TNT ko se yari amaze igihe kinini afite uburwayi bw’umwijima ndetse ko aribwo yazize nkuko byagaragajwe n’ibizamini byo kwa muganga.

Uyu mwana wa gatatu wa Makuza Bertin yagize ati “ Yongeye kugira ikibazo cy’umwijima kuwa Kabiri ubwo byakomeraga cyane. Yajyanwe ku bitaro igitaraganya avira imbere ndetse anaruka. Ku bw’amahirwe make, abaganga ntibabashije kumurokora.”

Mu Ukuboza 2015, Makuza Bertin ubwo yari mu biganiro n'abo babanaga mu rugaga rw'abikorera mu Rwanda, PSF

Abagize Urugaga rw’abikorera, PSF, bari mu gahinda batewe n’urupfu rutunguranye rwo kubura ‘umuntu w’ingenzi’ wagize uruhare rukomeye mu iterambere ryarwo.

Uyobora PSF, Benjamin Gasamagera, yagaragaje Makuza nk’umunyabwenge wakundaga igihugu cye ndetse wagize n’uruhare mu iterambere ryacyo.

Ati “ Twaratunguwe, twumvise ari nk’inkuba ikubise, yari umugabo ufite ubunararibonye mu batangije PSF kandi akaba umunyamwuga.”

Urupfu rwe rwaratunguranye kandi rurababaza. Yarabyutse mu gitondo ajya ku kazi bisanzwe mbere y’uko bitangazwa ko yapfuye.”

Makuza Bertin yari umwe mu banyemari bazwi cyane mu Rwanda kubw’ibikorwa by’ubucuruzi bitandukanye yakoraga birimo uruganda Rwanda Foam rumaze imyaka 30 rukora matola. Azwi kandi cyane kubw’inyubako M Peace Plaza iherereye mu mujyi wa Kigali hagati yuzuye itwaye akayabo kangana na miliyoni 40 z’amadolari y’Amerika.

Umuhuzabikorwa w'Imishinga y'Umuhora wa Ruguru, muri Perezidansi y'u Rwanda, Emmanuel Hategeka
Depite Gatabazi yagaragaje Gatabazi nk'umuntu wakoraga cyane kandi akicisha bugufi
Ambasaderi w'u Rwanda muri Suède Christine Nkulikiyinka n'Umuyobozi ushinzwe ibikorwa muri RDB, Serge Kamuhinda bifurije Makuza iruhuko ridashira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244