Kwamamaza

Abayobozi barasinyana Imihigo na Perezida wa Repubulika

Yanditswe kuya 9-09-2016 saa 08:34' na Cyprien Niyomwungeri


Abayobozi mu nzego bwite za Leta n’iz’ibanze kuri uyu wa Gatanu tariki 9 Nzeli 2016, baramurikira Perezida wa Repubulika ibyo bagezeho mu mihigo y’umwaka wa 2015/2016, hahembwe abitwaye neza ndetse hasinywe imihigo mishya bazahigura mu mwaka wa 2016/2017.

Mu mwaka wa 2006 nibwo gahunda yo gusinya Imihigo yatangiye hagamijwe gukorera hamwe no gutuma abantu bagira ibikorwa ibyabo, bityo bikihutisha gahunda zigamije iterambere ry’abaturage.

Imihigo ifasha kandi kubaka uburyo bw’imikorere, igenamigambi rinoze n’ishyirwa mu bikorwa rinoze kandi ahabonetse intege nke hagatangwa inama. Hibandwa kuri gahunda zihindura ubuzima bw’abaturage nko gukwirakwiza amashanyarazi, guteza imbere ubuhinzi, imiturire, kugeza amazi meza ku baturage, guhanga imirimo, guteza imbere inganda n’ibindi.

Mu mwaka wa 2014/2015, Akarere ka Huye niko kaje ku isonga mu gushyira mu bikorwa Imihigo, n’amanota 83 %, Ngoma yaje ku mwanya wa Kabiri naho Ngororero na Nyanza biza ku mwanya wa Gatatu.

Uturere twitwaye nabi harimo; Gakenke yaje ku mwanya wa nyuma wa 30, Karongi ku wa 29 na Kamonyi ku wa 28.

Imihigo y’Uturere 2015/2016
Mu mwaka wa 2015/2016, Imihigo y’uturere yagombaga gutwara amafaranga y’u Rwanda asaga miliyari 206.

Uturere twari twahize kuzamura imisoro dukusanya ikagera kuri miliyari 52 ivuye kuri miliyari 36, guteza imbere ubuhinzi hongerwa umusaruro binyuze mu guhuza ubutaka bugera kuri hegitari miliyoni 1 n’ibihumbi 458 , gukora amaterasi y’indinganire angana na hegitari 5957 no gutera amashyamba kuri hegitari 33 867.

Uturere twahize ko ingo 5834 zizagezwaho amashanyarazi, izigera kuri 54 797 zigezweho amazi meza, mu gihe biyogazi 3620 zizubakwa mu gihugu hose.

Mu Mujyi wa Kigali hahizwe kubakwa imihanda y’ imigenderano igera ku birometero 1531 ndetse na kilometero ibihumbi 42 ya kaburimbo.

Mu Rwanda hagombaga gutangwa inka ibihumbi 30, hakubakwa ibyumba by’amashuri 909 ndetse n’ibigo icyenda by’ubumenyi ngiro.

Hagombaga gukorwa umuganda ufite agaciro ka miliyari 16, umusaruro w’Ubuhinzi ukiyongera kuri 6,5% uvuye kuri 4 %.

Umusaruro w’ibyoherezwa mu mahanga wagombaga kuva kuri miliyari 1.14 z’amadolari ya Amerika, ukagera kuri miliyari 1,37 z’amadorali.

Ingufu z’amashanyarazi zagombaga kwiyongeraho megawati zigera kuri 70, amazi azakoreshwa mu Mujyi wa Kigali akiyongeraho metero kibe ibihumbi 25 ku munsi.

Umuhigo w’ubwisungane mu kwivuza mu mwaka w’ingengo y’ imari ya 2015/2016, wari 100%, aho Abanyarwanda bose bagombaga kuba babufite.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved