Kwamamaza

Abayobozi b’ibitaro mu gihugu bavuguse umuti wo kunoza serivisi biha abarwayi

Yanditswe kuya 3-09-2016 saa 07:59' na IGIHE


Intumwa ziturutse mu bitaro by’uturere ndetse n’ibindi birimo n’ibyigenga zirasoza inama y’iminsi ibiri yari igamije kuganira no gusangira ibyakorwa kugirango serivisi ihabwa abarwayi mu bitaro irusheho kuba nziza.

Mu minsi ibiri bamaze muri Hotel Golden Tulip i Nyamata mu Karere ka Bugesera, intumwa z’ibitaro zasangije bagenzi babo ubuhamya bw’intambwe nziza bateye kugira ngo ahakigaragara ikibazo cya servisi zitanoze zihabwa abarwayi kwa muganga nabo babashe kugira icyo babikoraho.

Lazare Ntirenganya ushinzwe farumasi mu bitaro bya Bushenge biri mu Karere ka Nyamasheke, yatangaje ko nyuma yo gufata ibyemezo bigamije cyane cyane kongera isuku, nko gutandukanya ababyeyi babyaye babazwe n’abandi barwayi basanzwe, gushyiraho imashini zifasha gusukura zizwi ku izina rya steam sterilizers, gushyiraho amabwiriza y’isuku n’imirongo ngenderwaho mu bitaro ngo byagabanyije ku buryo bugaragara umubare w’ababyeyi bagarukaga kwa muganga kwivuza ubundi burwayi bwabaga bwaraturutse ku kuba nyuma yo kubagwa yarabaga atarahawe isuku yihariye.

Ntirenganya kandi ibi yabigaragarije mu mibare aho yavuze ko mu mwaka wa 2013, 8.2% by’abagore babyaye babazwe ku bitaro bya Bushenge bagarutse kwa muganga bitewe n’uko aho babazwe hagiye hahinduka indiri y’ubundi burwayi bitewe no kutagira uburyo buhagije kandi bugezweho bwo kubafasha kuhagirira isuku (post cesarian site infections).

Nyuma yo gushyira mu bikorwa ingamba zigamije kongera isuku uyu mubare wagiye ugabanyuka cyane kugeza aho uyu munsi 0.9% ari bo bonyine bagaruka

Umuyobozi Mukuru muri Ministeri y’Ubuzima ushinzwe imicungire y’urwego rw’ubuzima, Dr Parfait Uwaliraye, yashimye cyane intambwe imaze guterwa na bimwe mu bitaro, anasaba ibindi kwigira ku bikorwa byiza byakozwe ahandi maze nabo bakanoza serivisi zihabwa abarwayi ku bitaro.

Imwe mu myanzuro yafatiwe muri iyi nama harimo kugabanya umwanya umurwayi ategereza guhabwa serivisi, ndetse no guha agahimbazamusyi abakozi bo ku bitaro bafasha by’intangarugero abarwayi babigana.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved