Kwamamaza

Isezerano rya Perezida Kagame ryasohoreye no ku baturiye ibirombe by’amabuye y’agaciro

Yanditswe kuya 14-09-2016 saa 13:42' na Rabbi Malo Umucunguzi


Guverinoma y’u Rwanda yemeje uburyo bwo gukoresha igice kimwe cy’umutungo ukomoka ku mabuye y’agaciro mu guteza imbere abaturage baturiye aho acukurwa, aho inama y’abaminisitiri yemeje ko bazajya bagenerwa 10% by’ibyinjizwa n’ubu bucukuzi.

Iki cyemezo gifashwe nyuma y’uko mu muhango wo Kwita Izina wabereye mu Karere ka Musanze muri Nzeri 2015, Perezida Paul Kagame yavuze ko guverinoma ifite gahunda yo kugenera igice cy’amafaranga ava mu mutungo kamere w’igihugu nk’ibirombe kigahabwa ababituriye nk’uko bigenda ku baturiye za pariki bahabwa 5% by’umusaruro wabwo.

Umunyamabanga wa Leta ushinzwe ubucukuzi bw’amabuye y’agaciro muri Minisiteri y’Umutungo Kamere, Evode Imena, yavuze ko nyuma y’uwo murongo watanzwe, ibiva mu mabuye y’agaciro bigiye gusaranganywa n’abaturiye aho acukurwa.

Ati “Abacukura amabuye y’agaciro basanzwe batanga imisoro haba ku rwego rw’ibanze cyangwa ku gihugu, ikajya gufasha mu ngengo y’imari. Ariko byagaragaye ko hari ingufu zikwiye gushyirwa aho umutungo nk’uwo uba waturutse. Bisanzwe bikoreshwa ku bukerarugendo, aho igice kimwe gikoreshwa mu guteza imbere imibereho myiza y’abaturiye za Pariki.”

Umunyamabanga wa Leta ushinzwe ubucukuzi bw’amabuye y’agaciro muri Minisiteri y’Umutungo Kamere, Evode Imena

“Ni muri urwo rwego twakoresha igice kimwe cy’umusoro uturuka ku mabuye y’agaciro, aho byemejwe ko 10% rizajya rishyirwa muri LODA (Ikigega giteza imbere imishinga y’inzego z’ibanze) kugira ngo ajye gushyira mu bikorwa imishinga y’abaturiye ahacukurwa amabuye y’agaciro.”

“Iyi gahunda izatangirana n’ahacukurwa amabuye hari impushya zo gucukura aho kuba ahari impushya z’ubushakashatsi, ni ukuvuga mu mirenge 87 mu turere 20. Umusoro waturutse ku mabuye y’agaciro umwaka ushize ugera kuri miliyari 3 Frw, ni ukuvuga ngo nufata 10% urumva uko araba angana.’’

Minisitiri Imena yavuze ko abaturage mu murenge bazajya bicara bagategura imishinga, itoranyijwe abe ariyo iterwa inkunga kandi ikaba ari imishinga ‘‘igira icyo ihindura mu mibereho myiza y’abaturiye amabuye y’agaciro’’ bikazajya bikorwa buri mwaka kandi bikava mu murenge umwe bijya mu wundi.

Biteganyijwe ko ubu buryo buzatangirana n’umwaka utaha w’ingengo y’imari.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved