Kwamamaza

Abatera abana inda basabiwe igihano cy’umwihariko

Yanditswe kuya 17-09-2016 saa 18:56' na Thamimu Hakizimana


Ubuyobozi bw’Impuzamashyirahamwe yita ku burenganzira bwa muntu mu Rwanda, CLADHO bwasabye ko abagabo n’abasore batera inda abana ko bahanwa by’intangarugero kandi mu ruhame kugira ngo bibere isomo abandi.

Ibi yabitangaje kuri uyu wa Gatandatu tariki ya 17 Nzeri 2016, ubwo yatangizaga ibiganiro byahawe abakozi n’abunganizi bayo mu by’amategeko bagiye gukorera mu turere dutandukanye tw’igihugu ku bijyanye no gukurikirana imibereho y’abana batewe inda bakiri bato.

Umuyobozi wa CLADHO, Sekanyange Léonard yabwiye IGIHE ko bahisemo iki gikorwa nyuma y’aho ubushakashatsi bakoze bwagaragaje ko hari abana benshi baterwa inda batarageza imyaka y’ubukure.

Yagize ati “ Twatekereje iki gikorwa nyuma y’uko ubushakashatsi butugaragarije ko hari abana benshi bagenda baterwa inda batarageza ku myaka y’ubukure, ku buryo usanga bituma bagenda bahura n’ibibazo bitandukanye birimo guhabwa akato cyangwa kwirukanwa n’imiryango yabo, kutumvwa no kutagirwa inama n’imiryango bavukamo.”

Yongeyeho ko bafashe icyemezo cyo guhugura abakozi babo n’abunganizi mu by’amategeko kugira ngo nibura iyi ngeso yo gutera inda abana bakiri bato icike burundu dore ko ituma bamwe bafata icyemezo kigayitse cyo gukuramo inda ku buryo hari n’abo bitwara ubuzima.

Ati “ Tugomba kurwanya burundu ihohoterwa rikorerwa abana. Turasaba ko abafashwe barateye abana bakiri bato inda bajya bahanirwa mu ruhame kugira ngo bibere n’abandi isomo, ndetse babigendere kure.”

Hategekimana Olive, umwe mu bahuguwe yagize ati “ Aya mahugurwa azamfasha mu bintu byinshi birimo kwigisha no gushishikariza abana b’abakobwa uburenganzira bwabo ku buryo n’uzaba yaratewe inda azamenya uko ashobora kurenganurwa n’amategeko.”

CLADHO ivuga ko iteganya gushyira ahagaragara ubushakashatsi bwimbitse bugaragaza uko ihohoterwa rikorerwa abana mu Rwanda rihagaze mu minsi iri imbere. Kugeza ubu uyu muryango ukorera mu turere 10 tugize igihugu ndetse no mu Mujyi wa Kigali.

Umuyobozi wa CLADHO, Sekanyange Léonard
Abakozi ba CLADHO bahugurwa
Umwe mu bahuguwe, Hategekimana Olive
Abahuguwe bahawe amasomo atandukanye yo kurwanya ihohoterwa rikorerwa abana

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved