Kwamamaza

Abarundi 260 bari mu nkambi i Mahama bafashijwe gutangira Kaminuza mu Rwanda

Yanditswe kuya 17-09-2016 saa 12:08' na Rabbi Malo Umucunguzi


Abanyeshuri b’impunzi z’Abarundi bagiye gutangira amasomo muri Kaminuza mu Rwanda, nyuma y’uko bahungiye mu Rwanda mu 2015 barimo abari basanzwe ari abanyeshuri muri kaminuza na ho abandi bakaba bariteguraga kuyitangira.

Mu gihe uburezi bwo mu Burundi no mu Rwanda busanzwe butandukanye kuko hamwe banakoresha Igifaransa ahandi bagakoresha Icyongereza, kuva muri Werurwe 2016, bahawe amasomo abategura kujya ku murono umwe n’abanyeshuri bo mu Rwanda.

Mu banyeshuri 272 bo muri kaminuza bagizweho ibibazo n’ubuhunzi bakaza mu Rwanda, 260 bagiye gusubukura amasomo ya Kamuniza uretse abatwite cyangwa se abamaze kubyara ubu bakaba bafite abana bakiri bato.

Iyi gahunda yagizwemo uruhare na Guverinoma y’u Rwanda n’Umuryango uzwi nka Maison Shalom, aba banyeshuri bakaba barahawe ibyangombwa byose ndetse batangiye kwerekeza ku mashuri arimo UTB, UNILAK, INES Ruhengeri na Kaminuza ya Kibungo.

Umuyobozi w’ihuriro ry’aba banyeshuri mu nkambi ya Mahama, Jean Claude Ciza, aheruka kubwira RPA ko bashima cyane guverinoma y’u Rwanda kubera ubufasha idahwema kubaha.

Ati ‘‘Turishimye cyane.Twahawe amasomo y’Icyongereza mu mezi atatu kuva muri Werurwe. Imyiteguro imeze neza ku bufatanye na Maison Shalom, HCR na guverinoma y’u Rwanda. Bari kuduha ibikoresho by’ishuri birimo imyambaro, ibiryamirwa, amasabune, ibyo kwiyorosa, inkweto n’ibikoresho byihariye ku bakobwa.’’

Aba banyeshuri bagaragaza ko kwiga Kaminuza mu Rwanda bizabafasha cyane gushaka imirimo mu karere, no kuzataha iwabo bafite ubumenyi bufatika ngo bateze igihugu cyabo imbere.

Aba banyeshuri kimwe n’ibindi bihumbi by’Abarundi bari mu Rwanda nyuma yo guhunga igihugu cyabo muri Mata 2015, nyuma y’uko Nkurunziza yari amaze gufata umwanzuro wo kwiyamamariza manda ya gatatu idateganywa n’Itegeko Nshinga.

Abaturage benshi barahunze ndetse u Burundi bushinja u Rwanda kubuhungabanyiriza umutekano, u Rwanda rukabyamaganira kure.

Bamwe mu mpunzi z'Abarundi batangiye kwerekeza mu mashuri makuru na Kaminuza mu Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved