Kwamamaza

Abitabiriye amahugurwa ku kurinda abasivili bakuye isomo kuri Jenoside

Yanditswe kuya 16-11-2016 saa 14:19' na Nsengimana Evariste


Itsinda ry’ingabo, abapolisi n’abasivili baturutse mu bihugu bitandukanye bitabiriye amahugurwa Mpuzamahanga ku kurinda umutekano w’abasivili amaze iminsi ari kubera mu Karere ka Musanze basuye urwibutso rwa Jenoside rwa Kigali ku Gisozi, ahashyinguye imibiri y’abasaga ibihumbi 250 bishwe muri Jenoside yakorewe Abatutsi muri Mata 1994.

Mu rugendo bahagiriye kuri uyu wa mbere taliki ya 14 Ugushyingo 2016, batemberejwe ibice bigize uru rwibutso banasobanurirwa uburyo Jenoside yateguwe ikanashyirwa mu bikorwa.

Nyuma yo kumva ayo mateka, bashenguwe n’uburyo Jenoside yakorewe Abatutsi muri Mata 1994 yakozwe aho umuntu afata undi akamutemagura nk’uko Maj J Banda waturutse muri Zambia yabitangaje.

Ati “ Mu by’ukuri birababaje kubona umuntu atema mugenzi we muri ubu buryo nk’uko byabaye muri Jenoside yakorewe Abatutsi.”

Abihuje n’aya mahugurwa bari gukorera mu Rwanda, Maj J Banda yavuze ko hari byinshi bize bishobora kuba ishingiro ryo kubungabunga amahoro.

Ati “Abaturage batarinzwe, niho usanga bigira ingaruka kuri benshi nk’ibi byabaye muri Jenoside yakorewe Abatutsi.”

Lauren Spink waturutse muri Leta Zunze Ubumwe za Amerika, we avuga ko gusura urwibutso rwa Kigali bibasigiye ubutumwa bw’ingenzi mu bikorwa byo kurinda abaturage.

Yavuze ko Jenoside yakorewe Abatutsi ikwiye kubera abantu isomo bakumva neza ingaruka z’amakimbirane bityo abashinzwe kubungabunga amahoro bakamenya ingaruka ziterwa no kutuzuza inshingano zabo mu gukemura amakimbirane.

Yakomeje avuga ko ibihugu bigize Umuryango w’Abibumbye bikwiye gutekereza uko uyu muryango wakwita ku bikorwa byo k abatururindaage aho kwita kuri politiki gusa.

Amahugurwa y’icyumweru yaberaga mu Kigo cy’Igihugu cy’Amahoro (Rwanda Peace Academy) kiri i Nyakinama mu Karere ka Musanze yahuriyemo ingabo, polisi n’abasivili 36 baturutse mu bihugu 14, harimo 12 bya Afurika. Yatangiye tariki ya 9 akaba agomba gusozwa kuri uyu wa Gatatu, tariki ya 16 Ugushyingo 2016.

Aya mahugurwa yateguwe ku bufatanye bwa Leta y’u Rwanda na Leta Zunze Ubumwe za Amerika n’u Buholandi.

Amasezerano yo kurinda abasivili yashyiriweho umukono i Kigali muri Gicurasi 2015 mu nama yahuje abahagarariye Umuryango w’Abibumbye, abakuru b’ingabo na Polisi basaga 30 baturuka mu bihugu bitera inkunga Umuryango w’Abibumbye muri gahunda zawo zo kugarura amahoro.

Basobanuriwe uburyo Jenoside yateguwe ndetse ikaza gushyirwa mu bikorwa
Bunamira abazize Jenoside bashyinguye ku rwibutso rwa Kigali ku Gisozi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved