Kwamamaza

Gakenke: Abakoreye Akarere ka Bugarura barishyuza amafaranga y’ibirarane by’imyaka 13

Yanditswe kuya 17-10-2016 saa 11:28' na Thamimu Hakizimana


Abahoze ari abahuzabikorwa b’Imirenge, mu kahoze ari Akarere ka Bugarura kaje guhinduka aka Gakenke mu ivugurura ry’inzego z’ubutegetsi muri 2006, barishyuza amafaranga y’ibirarane bamaze imyaka 13 batarahabwa.

Muri iyi mivugururire, igice kimwe cy’Akarere ka Bugarura cyagiye kuri Gakenke, ikindi kijya kuri Musanze.

Abaturage bari abahuzabikorwa muri aka Karere bavuga ko hari amafaranga bakoreye bagomba kwishyurwa n’Akarere ka Gakenke ariko ngo imyaka ikaba ibaye 13 batarayabwa kandi ibisabwa byose baramaze kubitanga.

Bamwe muri aba baturage baganiriye na Radiyo Rwanda bavuga ko kuba ubuyobozi butabishyura ayo mafaranga babifata nk’akarengane n’uburangare bw’abashinzwe gukurikirana iki kibazo.

Umwe yagize ati “Ayo mafaranga Akarere ka Gakenke kari kemeye ko kazishyura imishahara n’ibirarane ndetse n’imperekeza by’abari abakozi b’Akarere ka Bugarura ariko kugeza n’uyu munsi twarirukanse, amatike yadushizeho nta kirakorwa. Imiryango yacu yarahakeneye twiruka kuri ayo mafaranga none imyaka irenze icumi tutarayahabwa.”

Undi ati “ Igice kimwe cy’Akarere ka Bugarura cyagiye kuri Gakenke ikindi kijya mu ka Musanze; no mu mashini twagiye kwibaruza twisangamo, badusaba kuzuza ibyasabwagwa turabyuzuza ariko kugeza n’ubu amafaranga yacu y’ibirarane ntibari bayaduha.”

Ubuyobozi bw’Akarere ka Gakenke na bwo bwemeza ko ayo mafaranga yatinze ariko bukavuga ko byatewe n’uko abishyuza hari ibyangombwa batari buzuza kugira ngo bayahabwe.

Umuyobozi wungirije w’Akarere ka Gakenke ushinzwe Iterambere n’Ubukungu, Niyonsenga Aimé François yagize ati “ Icyo kibazo turakizi kandi twagishyizemo imbaraga kugira ngo abaturage bishyurwe kuko bakoreye igihugu, kugira ngo barusheho kwishima ko Leta yabo ibatekereza kuko umuntu agomba guhembwa ibyo yakoreye.”

Yakomeje avuga ko ibyiciro bibiri ari byo bimaze kwishyurwa ndetse ko biteganyijwe ko hagiye kwishyurwa n’icya gatatu cy’abari kuzuza ibyangombwa bisabwa.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved