Abarenga 500 bakuwe mu kigo cy’impfubyi cya Nyundo bacukijwe ku mfashanyo

Yanditswe na Mukwaya olivier
Kuya 26 Ugushyingo 2017 saa 11:10
Yasuwe :
0 0

Abantu 529 bahoze barererwa mu kigo cy’impfubyi cya Noel ku Nyundo bakaza guhuzwa n’imiryango ibarera, batangiye kumenya gukora imirimo itandukanye ituma birwanaho badategereje gufashwa.

Inzego zitandukanye zari zimaze imyaka itatu zibafasha ariko inshingano zigiye guharirwa imiryango yabakiriye.

Umutoni Agnes, umwe mubakuwe muri icyo kigo cy’impfubyi, yahamije ko nabo bamaze kuba bakuru, bagerageza gushakisha ubuzima

Yagize ati ”Narangije kwiga kaminuza mbona nta kwicara … nkora akazi gukora inigi, bimfasha kwihereza iby’ibanze bikenerwa mu buzima bwa buri munsi kandi ni umwuga nahisemo ngo umfashe untunge ubuzima bwanjye bwose ku buryo ntacyo napfa kubura.”

Uhagarariye umuryango ‘Hope and Homes for Children’ ukurikiranira hafi aba bana, Munyamaliza Moise, yavuze ko kuba bamaze kumenyera ubuzima bwo mu muryango biri mu byatumye gahunda zihariye zo gufasha bamwe zihagarara.

Akarere ka Rubavu kavuga ko imibanire y’abo bana n’imiryango yateye intambwe, bagakura .

Umuyobozi muri Rubavu ushinzwe iterambere ry’umuryango no kurengera abana, Biryabanzi Onesphore, yagize ati ”Aba bana bamaze gukura no kumenya icyerekezo, imiryango irimo kubitaho kandi babaye abana nk’abandi, akaba ari nayo mpamvu umuryango wabitagaho ugiye kurekera inshingano imiryango kandi natwe tuzakomeza kujya tubafasha uko dushoboye.”

Akomeza avuga ko ubuyobozi bugiye kujya bubafasha kuba bakwihangira imirimo.

Bamwe mu bakuwe mu bigo by'imfubyi bacukijwe

Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza