Kwamamaza

Abapolisi 280 berekeje mu butumwa bw’Amahoro muri Centrafrique

Yanditswe kuya 21-10-2016 saa 13:34' na Tuyisenge Jean Pierre


Itsinda ry’abapolisi 280 berekeje mu butumwa bwo kubungabunga amahoro muri Centrafrique bajyanye n’indege ya Airbus 330-200 iherutse kugurwa na sosiyete Nyarwanda ikora ingendo zo mu kirere, RwandAir.

Aba bapolisi barimo ab’igitsina gore 48, bahagurutse kuri uyu wa Gatanu, tariki ya 21 Ukwakira, ahagana saa sita z’amanywa, bagiye gusimbura bagenzi babo bari bamaze umwaka muri iki gihugu.

Aba bapolisi bagizwe n’amatsinda abiri aho bamwe baba bashinzwe kubungabunga umutekano w’ ibigo, ibikoresho no gufasha Polisi ya Centrafrique mu kazi kabo gahoraho, mu gihe abandi bashinzwe kurinda abayobozi bakomeye barimo Minisitiri w’Intebe ndetse n’abayobozi b’Umuryango w’Abibumbye.

Umuvuzi wa Polisi y’u Rwanda, ACP Celestin Twahirwa, yavuze ko ubutumwa abapolisi b’u Rwanda boherezwamo babukora kinyamwuga, bigatuma Umuryango w’Abibumbye uvuga ko Isi ikwiye kubigiraho.

Ati “ Abapolisi b’u Rwanda bagaragaza ubunyamwuga budasanzwe ari nayo mpamvu Umuryango w’Abibumbye ubashima ndetse ivuga ko n’abandi bakwiye kubigiraho”.

Polisi y’u Rwanda ifite abapolisi bagera ku gihumbi mu butumwa bwo kubungabunga amahoro hirya no hino ku Isi.

Uyu munsi kandi nibwo abandi 280 bari bamaze umwaka muri ubwo butumwa muri Centrafrique bageze mu Rwanda.

Airbus 330-200 iherutse kugurwa na sosiyete Nyarwanda ikora ingendo zo mu kirere, RwandAir
Abagiye muri Centrafrique basimbuye bagenzi babo bageze i Kigali uyu munsi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved