Abapolisi 264 barimo aba-Ofisiye bato birukanywe burundu

Yanditswe na Mukaneza M.Ange
Kuya 15 Nzeri 2018 saa 10:31
Yasuwe :
0 0

Abapolisi bo ku rwego rw’aba-Ofisiye bato 34, aba Su-Ofisiye n’abapolisi bato 230, birukanywe burundu muri Polisi y’u Rwanda.

Ibi byemejwe mu Nama y’Abaminisitiri idasanzwe yateranye ku wa Gatanu tariki ya 14 Nzeri 2018, iyobowe na Perezida wa Repubulika, Paul Kagame.

Iteka rya Perezida ryirukanye burundu ba Ofisiye bato 34 ba Polisi y’u Rwanda. Iteka rya Minisitiri ryirukana burundu ba Su-Ofisiye n’abapolisi bato 230 ba Polisi y’u Rwanda.

Inam y’abaminisitiri kandi yanemeje Iteka rya Minisitiri risezerera ba Su-Ofisiye icyenda ba Polisi y’u Rwanda kubera impamvu z’uburwayi.

Yanemeje Iteka rya Minisitiri rishyira mu kiruhuko cy’izabukuru ba Su-Ofisiye bato 97 n’irisubiza mu buzima busanzwe ba Su-Ofisiye n’abapolisi bato 14ba Polisi y’u Rwanda.

Iteka rya Perezida nimero 30/01 ryo kuwa 09/07/2012 rishyiraho Sitati yihariye igenga Abapolisi mu ngiyo ya 70, risobanura ko kwirukanwa burundu ku kazi ari icyemezo gifatirwa umupolisi cyo kumuvana burundu mu kazi ka Polisi bitewe n’ikosa rikabije yakoze.

Icyo cyemezo gifatwa n’umuyobozi ufite ububasha bwo gutanga ipeti. Iyirukanwa rya burundu rihera igihe umupolisi yamenyesherejwe icyemezo kimwirukana.

Ingingo ya 71 yo ivuga ko gusubizwa mu buzima busanzwe k’umupolisi bikorwa mu gihe we abisabye akabyemererwa, cyangwa bikozwe n’ubuyobozi bufite ububasha bwo gutanga akazi.

Ni mu gihe ingingo ya 73 yo igaruka ku gusezererwa kubera uburwayi byo bikorwa iyo umuyobozi ufite ububasha bwo gutanga akazi, amaze kumva igitekerezo cy’akanama k’abaganga, asezerera umupolisi utagishoboye gukomeza akazi kandi utujuje ibya ngombwa kugira ngo ahabwe imperekeza z’uburwayi.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza