Abapolisi 200 bo mu mutwe ucuranga barangije amahugurwa

Yanditswe na Philbert Girinema
Kuya 18 Nzeri 2016 saa 08:28
Yasuwe :
0 0

Umuyobozi Mukuru wa Polisi y’u Rwanda,IGP Emmanuel K.Gasana, yasoje icyiciro cya kane cy’amahugurwa y’abapolisi 200 bo mu mutwe w’umuziki muri Polisi y’u Rwanda, ku ishuri rya Polisi ry’i Gishari mu Karere ka Rwamagana.

Abasoje amahugurwa y’amezi atatu bigishijwe n’abapolisi bo muri Namibia mu rwego rw’ubufatanye hagati ya Polisi z’ibihugu byombi.

Asoza aya mahugurwa kuri uyu wa Gatandatu tariki ya 18 Nzeri, Umuyobozi wa Polisi y’u Rwanda yashimiye abahuguwe ku buhanga n’ubushake bakoresheje mu mahugurwa maze abagira inama yo guhora barangwa n’ubunyamwuga mu byo bakora byose.

IGP Gasana yagize ati “Mukorera mu mutwe wihariye ugaragara mu mihango yo ku rwego rw’igihugu, mugomba guharanira ishema ry’u Rwanda n’indangagaciro zarwo.”

Umutwe wa Polisi y’u Rwanda ushinzwe umuziki ugizwe n’ibice bibiri, aho icyitwa Jazz ari nacyo cyabonye amahugurwa, cyabwiwe guhora gishaka ubumenyi kuko bagiye kwitabira imihango myinshi ku rwego rw’igihugu.

IGP Gasana yagize ati “Mugomba kwibuka ko umutwe mukoreramo buri gihe ugomba kurangwa no kubanisha neza u Rwanda n’amahanga, umucyo no kuba bandebereho ku rwego mpuzamahanga.”

Yanashimye kandi abarimu bo muri Namibia ku bwitange n’ubushake bagaragaje kugira ngo aya mahugurwa agende neza.

Umuyobozi w’Ishuri rya Gishari, CP John Bosco Kabera, yavuze ko ibyizwe byarimo n’ubumenyingiro ndetse n’andi masomo menshi ajyanye n’iby’ubuhanga mu muziki .

Akaba yabwiye abarangije amahugurwa gukomeza kongera ubumenyi cyane cyane ibihangano byabo bwite ndetse no gukora umuziki bijyanye n’imihango bitabira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza