Abanyeshuri bo muri Glory Secondary School bishyuriye mituweli imiryango 70

Yanditswe na Kanamugire Emmanuel
Kuya 22 Ukwakira 2016 saa 06:03
39 26

Abanyeshuri biga mu ishuri ryisumbuye rya Glory Secondary School riherereye mu Murenge wa Kacyiru mu Karere ka Gasabo, bishyuriye mituweli abantu 70 batishoboye.

Kuri uyu wa Gatanu tariki ya 21 Ukwakira, ni bwo aba banyeshuri bishyuriye mituweli abantu 70 ndetse banaha imyambaro imiryango 16 itishoboye.

Nyabagabo Rurangwa Dolcie uhagarariye abanyeshuri bo muri Glory Secondary School yabwiye IGIHE ko iki gitekerezo bakigize ari abanyeshuri 15 baza kukigeza ku bandi babifashijwen’ubuyobo bwabo.

Yagize ati “ Tweteguye iki gikorwa kubera ko buri igihe iyo twahuraga n’abana baturiye ikigo cyacu badusabaga amafaranga duhitamo noneho kuzabaha ibintu bizamara igihe nka mituweli aho kubaha amandazi cyangwa mafaranga bashobora kurya mu gihe gito.”

Mukagatare Catherine, utuye mu Kagarika ka Kamutwa mu Murenge wa Kacyiru yavuze ko yishimye cyane kuko bitewe n’uko yari yarabuze amafaranga yo kugurira mituweli abana be.

Yagize ati “ Nishimye cyane kubera ko tubonye mituweli kuko nahoraga nibazaga uburyo baramutse barwaye nabavuza ariko kuba tubonye abaterankunga bazitwishyurira ndetse bakaduha n’imyenda ni ibintu byanejeje cyane.”

Ubuyobozi bw’iki kigo buvuga ko iki gikorwa cyatwaye ibihumbi 350 by’amafaranga y’u Rwanda ndetse ko buteganya ko kigiye kuba ngarukamwaka.

Abanyeshuri bashyikiriza mituweli imwe mu miryango itishoboye
Bamwe mu banyeshuri bo muri Glory Secondary School
Umwe mu baturage bishyuriwe mituweli n'aba banyeshuri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE