Kwamamaza

Abanyeshuri 2500 bahagarariye abandi muri za kaminuza bitabiriye itorero

Yanditswe kuya 5-09-2016 saa 20:21' na Ntakirutimana Deus


Abanyeshuri 2500 bahagarariye abandi biga muri kaminuza n’amashuri makuru ya Leta n’ayigenga mu Rwanda, batangiye icyiciro cya gatatu cy’itorero ry’Intagamburuzwa riri kubera mu mujyi wa Kigali.

Iryo torero rifite insanganyamatsiko igira iti ‘ Dukoreshe amahirwe ahari twihangira imirimo", ryatangijwe kuri uyu wa Mbere tariki ya 5 Nzeri 2016.

Mbere yo kuva kuri stade Amahoro aho bahuriye berekeza aho bazatorezwa, Umunyamabanga Uhoraho muri Minisiteri y’Uburezi, Dr Ntivuguruzwa Célestin, yabahaye impanuro yo kuzakurikirana inyigisho bazahabwa bakazigeza ku bandi ibihumbi 100 bahagarariye biga mu mashuri makuru na za kaminuza byo mu Rwanda.

Yagize ati “ Mwararambagijwe ngo tubatume ku bandi. Iyo rero umuntu agiye gushaka umuntu aha ubutumwa aritonda akamurambagiza akamutoza, yamara kubona yiteguye noneho akamutuma. Iki cyumweru tugiye kumarana ni icyo kigamije,ngo tubatoze dushaka kubatuma kuri bagenzi banyu kuko iki gihugu cyiyemeje kugera ku mpinduka ifatika ijyana Abanyarwanda heza yubakira ku mbaraga z’igihugu kandi imbaraga z’igihugu ni mwebwe urubyiruko.”

Yabasabye kandi kurangwa n’imyitwarire myiza, u Rwanda rukomeje gushingiraho rwiyubaka nk’igihugu ndetse no kurangwa n’ubwitonzi bwo gukurikira impanuro z’abatoza babo bazabaha ubumenyi bazashyira bagenzi babo basaga ibihumbi 100 biga mu mashuri makuru na za kaminuza mu Rwanda, bahagarariye.

Muri iryo torero kandi bazahabwa ubumenyi buzabafasha kwihangira imirimo biciye mu gufata ubumenyi bavanye mu ishuri bakongeraho ubwo bazaherwa mu itorero bukabafasha kwiteza imbere.

Iki cyiciro cya gatatu cyabanjirijwe n’ibindi bibiri, harimo icya mbere cy’abanyeshuri 238 bahagarariye abandi cyatorejwe i Nkumba mu matariki ya 17-30 Kanama 2014.

Icya kabiri cyari kigizwe n’abanyeshuri 400 na bo batorejwe i Nkumba muri Nzeri 2015.

Iri torero ry’uyu mwaka ryo riri kubera muri Koleji y’uburezi (UR-CE) i Remera no muri IPRC Kigali. Biteganyijwe ko rizasozwa tariki ya 11 Nzeri 2016.

Abanyeshuri bahagarariye abandi bagiye guhurizwa mu itorero Ntagamburuzwa
Abatoza bagiye gufatanya n'aba banyeshuri
Dr Ntivuguruzwa Celestin yagiriye inama izi ntore yo kuzarangwa n'ikinyabupfura mu gihe bazaba bari mu itorero

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved